Tuesday, April 4, 2017

နိုင်ငံတော်အစိုးရ၏ ပြည်သူ့အတွက် ပထမ တစ်နှစ်တာ (နယ်စပ်ရေးရာဝန်ကြီးဌာန)အပိုင်း-၁

နိုင်ငံတော်အစိုးရသစ် စတင်တာဝန်ယူ ခဲ့သည့် ၂ဝ၁၆ ခုနှစ် မတ် ၃ဝ ရက်မှစပြီး နယ်စပ်ရေးရာဝန်ကြီးဌာနအနေဖြင့် တစ်နှစ်တာ ကာလအတွင်း နိုင်ငံတော်ဖွံ့ဖြိုးတိုးတက်ရေးအတွက် တည်ငြိမ်အေးချမ်းမှုရရှိရေးကို ရှေးရှုကာ တိုင်းရင်းသားစည်းလုံးညီညွတ်ရေးကို အလေးထားလျက် နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက် ရေး လုပ်ငန်းများနှင့် တိုင်းရင်းသားလူငယ်များ၏
လူ့စွမ်းအားအရင်းအမြစ်ဖွံ့ဖြိုးတိုးတက်ရေးတို့ကို ဦးစားပေးလုပ်ငန်းစဉ်များအဖြစ် ဆောင်ရွက်ပေးလျက်ရှိသည်။
နယ်စပ်ဒေသများ၏ ထူးခြားသောဝိသေသများ
မြန်မာနိုင်ငံ၏ နယ်စပ်ဒေသများသည် နယ်မြေကျယ်ပြန့်သော်လည်း လူဦးရေ သိပ်သည်းမှုနည်းပါးခြင်း၊ ကျေးရွာတစ်ရွာနှင့် တစ်ရွာ အလှမ်းကွာဝေးသဖြင့် ကူးလူးဆက်ဆံ မှု နည်းပါးခြင်း၊ ဘာသာစကားဓလေ့ထုံးစံများ ကွဲပြားခြင်း၊ ပထဝီအနေအထားအရ အခြားသောပြည်နယ်ဒေသများနှင့် လမ်းပန်း ဆက်သွယ်မှုခက်ခဲခြင်းများ ဖြစ်ပေါ်လျက်ရှိပါ သည်။ ထို့ပြင် လွတ်လပ်ရေးရရှိပြီးနောက်ပိုင်း ပေါ်ပေါက်ခဲ့သော ပြည်တွင်းသောင်းကျန်းမှု ဒဏ်ကြောင့် အယူဝါဒ၊ လူမျိုးရေး၊ ဘာသာရေး ကွဲပြားမှုများကိုအရင်းခံပြီး လွတ်လပ်ရေးနှင့်အတူ ဖြစ်ပေါ်လာ ခဲ့သော လက်နက်ကိုင် ပဋိပက္ခများကြောင့် လူမှုစီးပွားဘဝများ အပါအဝင် အစစအရာရာ ဖွံ့ဖြိုးတိုးတက်မှု နောက်ကျကျန်ရစ်ခဲ့ကြရသည်။
ထိုသို့သော အခြေအနေများ လျော့နည်း သွားစေရန် ပြည်ထောင်စုမပြိုကွဲရေး၊ တိုင်းရင်းသား စည်းလုံးညီညွတ်မှု မပြိုကွဲရေး၊ အချုပ်အခြာအာဏာ တည်တံ့ခိုင်မြဲရေးဟူသော ဒို့တာဝန်အရေးသုံးပါးနှင့်အညီ နယ်စပ်ဒေသနှင့် တိုင်းရင်းသားလူမျိုးများ၏ ဖွံ့ဖြိုးတိုးတက်မှု အကောင်အထည်ဖော်ရေး ဗဟိုကော်မတီကို ၂၅-၅-၁၉၈၉ ရက်တွင် စတင်ဖွဲ့စည်းဆောင်ရွက်ခဲ့ပါသည်။ ထို့နောက် လုပ်ငန်းများအား ပိုမိုထိရောက်စွာ အကောင်အထည်ဖော် ဆောင်ရွက်နိုင် ရန်အတွက် နယ်စပ်ဒေသနှင့် တိုင်းရင်းသားလူမျိုးများ၏ ဖွံ့ဖြိုးတိုးတက်မှု အကောင်အထည်ဖော်ရေး လုပ်ငန်းကော်မတီကို ၃၁-၅-၁၉၈၉ ရက်တွင် ဖွဲ့စည်းခဲ့ပြီး ဗဟိုကော်မတီနှင့် လုပ်ငန်း ကော်မတီတို့မှ ချမှတ်ပေး ထားသော မူဝါဒ လမ်းညွှန်ချက်များအား စနစ်တကျအကောင် အထည်ဖော်ဆောင်ရွက်နိုင်ရန်အတွက် ဒေသဆိုင်ရာ လုပ်ငန်းကော်မတီများနှင့် လုပ်ငန်းဆပ်ကော်မတီများကိုလည်း ဖွဲ့စည်း၍ နယ်စပ်ဒေသ ဖွံ့ဖြိုးရေးလုပ်ငန်းများအား အရှိန်အဟုန်ဖြင့် ဆောင်ရွက်ခဲ့သည်။
ထို့အတူ နယ်စပ်ဒေသဖွံ့ဖြိုးရေးလုပ်ငန်းများ ပိုမိုထိရောက်စွာ အကောင်အထည်ဖော် နိုင်ရေးအတွက် နယ်စပ် ဒေသနှင့် တိုင်းရင်း သားလူမျိုးများ ဖွံ့ဖြိုးတိုးတက်ရေးဝန်ကြီးဌာန က ၂၄-၉-၁၉၉၂ ရက်တွင် စတင်ဖွဲ့စည်းခဲ့ ပါသည်။ ထို့နောက် နယ်စပ်ဒေသဖွံ့ဖြိုးရေးလုပ်ငန်းများအပြင် မြို့ပြနှင့် ကျေးလက်စည်ပင် သာယာရေးလုပ်ငန်းများ ကိုပါ ပိုမိုထိရောက်စွာ ပေါင်းစပ်အကောင်အထည်ဖော်နိုင်ရန် ၃ဝ-၁-၁၉၉၄ ရက်တွင် နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးနှင့် စည်ပင်သာယာရေးဝန်ကြီးဌာနအဖြစ် ပြင်ဆင်ဖွဲ့စည်းခဲ့သည်။ ပြည်ထောင်စုသမ္မတ မြန်မာနိုင်ငံတော်အစိုးရလက်ထက်တွင် နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးနှင့် စည်ပင်သာယာရေးဝန်ကြီး ဌာနအား နယ်စပ်ရေးရာဝန်ကြီးဌာနအဖြစ် ၃ဝ-၃-၂ဝ၁၁ ရက်တွင် ထပ်မံပြင်ဆင်ဖွဲ့စည်း ပေးခဲ့သည်။
နယ်စပ်ဒေသနှင့် တိုင်းရင်းသားလူမျိုး များ၏ ဖွံ့ဖြိုးတိုးတက်ရေးအတွက် (က)ပြည်ထောင်စုမပြိုကွဲရေး၊ တိုင်းရင်းသား စည်းလုံးညီညွတ်မှုမပြိုကွဲရေး၊ အချုပ်အခြာအာဏာ တည်တံ့ခိုင်မြဲရေးဟူသော ဦးတည် ချက်များနှင့် အညီ နယ်စပ်ဒေသရှိ တိုင်းရင်း သားလူမျိုးများ၏ စီးပွားရေး၊ လူမှုရေး၊ လမ်းပန်းဆက်သွယ်ရေးလုပ်ငန်းများ ဖွံ့ဖြိုး တိုးတက်စေရန်၊ (ခ) တိုင်းရင်းသားလူမျိုးများ ၏ ယဉ်ကျေးမှု၊ စာပေဓလေ့ထုံးစံတို့ကို မြတ်နိုးစွာထိန်းသိမ်းနိုင်စေရန်၊ (ဂ) တိုင်းရင်း သားလူမျိုးအချင်းချင်း ချစ်ကြည်ရင်းနှီးမှု ပိုမိုခိုင်မြဲစေရန်၊ (ဃ) စီးပွားရေးလုပ်ငန်းများ ထူထောင် ပေးခြင်းဖြင့် မူးယစ်ဆေးဝါးစိုက်ပျိုး မှု လုံးဝချုပ်ငြိမ်းစေရန်၊ (င) နယ်စပ်ဒေသ၏ လုံခြုံရေး၊ တရားဥပဒေစိုးမိုးရေးနှင့် နယ်မြေ အေးချမ်းသာယာရေးတို့ကို ထိန်းသိမ်းရန် စသည့်ရည်ရွယ်ချက်များ ချမှတ်ဆောင်ရွက် လျက်ရှိသည်။
နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးလုပ်ငန်းများကို ပီပီပြင်ပြင် စနစ်တကျ ဆောင်ရွက်နိုင်ရန် နိုင်ငံတော်အစိုးရသည် ၁၃-၈-၁၉၉၃ ရက်တွင် ဥပဒေ အမှတ် (၁၁/၉၃)ဖြင့် နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး ဥပဒေကို ပြဋ္ဌာန်းပေးခဲ့သည်။ အဆိုပါဥပဒေအား လက်ရှိအချိန်နှင့် ကိုက်ညီစေရန် ၂၂-၇-၂ဝ၁၅ ရက်တွင် နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး ဥပဒေကို ဒုတိယအကြိမ်ပြင်ဆင်သည့်ဥပဒေကို ပြင်ဆင်ပြဋ္ဌာန်းပေးခဲ့သည်။
နယ်စပ်ဒေသဖွံ့ဖြိုးရေးလုပ်ငန်းများအား စနစ်တကျဆောင်ရွက်နိုင်စေရန် နယ်စပ်ဒေသ ဖွံ့ဖြိုးရေးဥပဒေနှင့်အညီ ပင်မစီမံကိန်းတစ်ရပ်အား ၁၉၉၃-၉၄ ဘဏ္ဍာနှစ်မှ ၂ဝဝ၅-၂ဝဝ၆ ဘဏ္ဍာနှစ်အထိ စုစုပေါင်း စီမံကိန်းကာလ ၁၃ နှစ် သတ်မှတ်၍ အကောင်အထည်ဖော် ဆောင်ရွက်ခဲ့ရာ နိုင်ငံတော်၏လမ်းညွှန်ချက်အရ အခြေခံနှစ် ၂ဝဝ၁- ၂ဝဝ၂ ဘဏ္ဍာနှစ်မှ ၂ဝ၃ဝ-၂ဝ၃၁ ဘဏ္ဍာနှစ်အထိ နှစ် ၃ဝ နှစ်ရှည်စီမံကိန်း ရေးဆွဲအကောင်အထည်ဖော် ဆောင်ရွက် လျက် ရှိသည်။
နယ်စပ်ဒေသဖွံ့ဖြိုးရေး အဓိကဆောင် ရွက်ပေးမည့် ဒေသများအဖြစ် Border Line နှင့် ထိစပ်လျက်ရှိသည့် ပြည်နယ် ခုနစ်ခု၊ တိုင်းဒေသကြီး နှစ်ခု၊ ကိုယ်ပိုင်အုပ်ချုပ်ခွင့်ရ ဒေသ ခြောက်ခုရှိ မြို့နယ် ၁၆၈ မြို့နယ်၊ ကျေးရွာ ၁၁ဝ၆၉ ရွာတို့အား သတ်မှတ် အကောင်အထည်ဖော် ဆောင်ရွက်လျက်ရှိသည်။
နိုင်ငံတော်ဖွံ့ဖြိုး တိုးတက်ရေး ဆောင်ရွက်ရာ၌ တည်ငြိမ်အေးချမ်းမှု (Peace and Stability) ရရှိရေးသည် အဓိကအရေးအကြီး ဆုံးအချက်အဖြစ်ခံယူပြီး တိုင်းရင်းသား စည်းလုံးညီညွတ်ရေး၊ ပြည်ထောင်စုစိတ်ဓာတ် ထွန်းကားပြန့်ပွားရေးတို့ကို အထူးအလေးထားလျက် နယ်စပ်ဒေသနှင့်တိုင်းရင်းသားလူမျိုးများ၏ လူမှုစီးပွားဘဝများ ဖွံ့ဖြိုးတိုးတက်ရေး၊ နယ်စပ်ဒေသများနှင့် လူ့စွမ်းအားအရင်းအမြစ်များ ဖွံ့ဖြိုးတိုးတက်ရေးတို့အတွက် အကောင် အထည်ဖော် ဆောင်ရွက်ပေးနေခြင်း ဖြစ်သည်။
ထိုသို့ အကောင်အထည်ဖော် ဆောင်ရွက်နိုင်ရန် နယ်စပ်ရေးရာဝန်ကြီးဌာနသည် (က) နယ်စပ်ဒေသ တည်ငြိမ် အေးချမ်းရေး၊ (ခ)နယ်စပ်ဒေသများ ဖွံ့ဖြိုးတိုးတက်စေရေး၊ (ဂ) နယ်စပ်ဒေသတွင်နေထိုင်သော ပြည်သူများ၏ လူမှုစီးပွားဘဝဖွံ့ဖြိုးတိုးတက် စေရေး၊ (ဃ) နယ်စပ်ဒေသတိုင်းရင်းသား လူမျိုးများ၏ လူ့စွမ်းအားအရင်းအမြစ် ဖွံ့ဖြိုးတိုးတက်စေရေး စသည့်မူဝါဒ (၄) ရပ်ကို ချမှတ်ဆောင်ရွက်လျက်ရှိသည်။
ယခုအခါ နယ်စပ်ဒေသနှင့် တိုင်းရင်း သားလူမျိုးများ၏ ဖွံ့ဖြိုးတိုးတက်မှုအကောင် အထည်ဖော်ရေးဗဟိုကော်မတီကို နိုင်ငံတော်၏ အတိုင်ပင်ခံပုဂ္ဂိုလ် ဥက္ကဋ္ဌအဖြစ်ဆောင်ရွက်ပြီး အဖွဲ့ဝင် ၂၃ ဦးဖြင့် လည်းကောင်း၊ နယ်စပ် ဒေသနှင့် တိုင်းရင်းသားလူမျိုးများ၏ ဖွံ့ဖြိုး တိုးတက်မှုအကောင်အထည်ဖော်ရေးလုပ်ငန်း ကော်မတီကို နယ်စပ်ရေးရာဝန်ကြီး ဌာန ပြည်ထောင်စုဝန်ကြီး ဥက္ကဋ္ဌအဖြစ် ဆောင်ရွက်ပြီး အဖွဲ့ဝင် ၃၂ ဦးဖြင့်လည်းကောင်း ပြင်ဆင်ဖွဲ့စည်းပေး ခဲ့ပါသည်။ ၄င်းအပြင် နယ်စပ်ဒေသ ဖွံ့ဖြိုးရေးလုပ်ငန်းများအား ကဏ္ဍအလိုက်စနစ်တကျ ညှိနှိုင်းပေါင်းစပ် ဆောင်ရွက်ပေးနိုင်ရန်အတွက် လမ်းတံတား လုပ်ငန်းဆပ်ကော်မတီ၊ ကျန်းမာရေးလုပ်ငန်း ဆပ်ကော်မတီ၊ ပညာရေး လုပ်ငန်း ဆပ်ကော်မတီ၊ စိုက်ပျိုးရေးနှင့် မွေးမြူရေး လုပ်ငန်းဆပ်ကော်မတီ၊ စွမ်းအင်လုပ်ငန်း ဆပ်ကော်မတီ၊ သာသနာရေးလုပ်ငန်း ဆပ်ကော်မတီနှင့် လူမှုဝန်ထမ်းလုပ်ငန်း ဆပ်ကော်မတီတို့ကိုလည်း ပြင်ဆင်ဖွဲ့စည်း ထားပြီး နယ်စပ်ဒေသဖွံ့ဖြိုးရေးလုပ်ငန်းများနှင့် လူ့စွမ်းအားအရင်းအမြစ်ဖွံ့ဖြိုးတိုးတက် ရေးလုပ်ငန်းများကို အရှိန်အဟုန်ဖြင့် အကောင်အထည်ဖော်ဆောင်ရွက်ပေးလျက် ရှိသည်။
နယ်စပ်ဒေသများဖွံ့ဖြိုးတိုးတက်ရေးနှင့် ဘဏ္ဍာငွေလျာထားသုံးစွဲမှု
နယ်စပ်ဒေသများတွင် တိုင်းရင်းသား လူမျိုးများ၏ စီးပွားရေး၊ လူမှုရေး၊ လမ်းပန်း ဆက်သွယ်ရေးလုပ်ငန်းများ ဖွံ့ဖြိုးတိုးတက်ရန် နှင့် ချစ်ကြည်ရင်းနှီးမှုပိုမိုခိုင်မြဲစေရန်အတွက် အခြေခံစီးပွားရေးဆိုင်ရာ အဆောက်အအုံ များကို ဖော်ဆောင်ပေးရာတွင် အဓိကလိုအပ်သည့် အခြေခံအဆောက်အအုံ (Infrastruc- ture) လုပ်ငန်းများဖြစ်သော လမ်းတံတား လုပ်ငန်းများ၊ ပညာရေးနှင့် ကျန်းမာရေးဆိုင်ရာ အဆောက်အအုံများ၊ စိုက်ပျိုးရေနှင့် သောက် သုံးရေ ရရှိရေးလုပ်ငန်းများ၊ လျှပ်စစ်မီးလင်း ရေးလုပ်ငန်းများ၊ ငြိမ်းချမ်းရေး အထောက်အကူပြု တည်ဆောက်ရေး လုပ်ငန်းများကို ပြည်နယ်/တိုင်းဒေသကြီးများ၊ ကိုယ်ပိုင် အုပ်ချုပ်ခွင့်ရဒေသများ၌ အကောင်အထည် ဖော်ဆောင်ရွက်ခဲ့ရာတွင် ဒေသတွင်းရေရှည် တည်တံ့စေရေးနှင့် ဒေသခံလူထု၏ ပူးပေါင်း ပါဝင်မှုရှိစေရေးအတွက် တည်ဆောက်ရေး လုပ်ငန်းများတွင် နိုင်ငံတော်နှင့် ပြည်သူလူထု ပူးပေါင်းပါဝင်ဆောင်ရွက်ပြီး ဖွံ့ဖြိုးရေး လုပ်ငန်းများကို အစပျိုးဆောင်ရွက်ခဲ့ရာ အောင်မြင်မှုများရရှိခဲ့သည်။
နယ်စပ်ဒေသရှိ တိုင်းရင်းသား တိုင်းရင်း သူများရဲ့ လူ့စွမ်းအားအရင်းအမြစ် ဖွံ့ဖြိုး တိုးတက်စေရေးအတွက် ဝန်ကြီးဌာန၏ ကွပ်ကဲမှုအောက်တွင်ရှိသည့် ပြည်ထောင်စုတိုင်းရင်းသားလူမျိုးများ ဖွံ့ဖြိုးရေးတက္ကသိုလ် (စစ်ကိုင်း)မှ တစ်နှစ်လျှင် B.E.D ဘွဲ့ရ ဆရာ/ဆရာမ ၅ဝဝ ခန့်ကိုလည်းကောင်း၊ ပြည်ထောင်စုတိုင်းရင်းသား လူငယ်များ စွမ်းရည်ဖွံ့ဖြိုးရေးဒီဂရီကောလိပ် စစ်ကိုင်းနှင့် ရန်ကုန်တို့မှ တစ်နှစ်လျှင် A.G.T.I၊ ဝိဇ္ဇာ၊ သိပ္ပံဘွဲ့ရ သင်တန်းသား ၆ဝဝ ခန့်ကို လည်းကောင်း အသီးသီးမွေးထုတ်ပေးနိုင်ခဲ့ပြီး ကျောင်းပြီးသည်နှင့်တစ်ပြိုင်နက် သက်ဆိုင်ရာ ဝန်ကြီးဌာနများတွင် ခန့်အပ်တာဝန်ပေးနိုင်ခဲ့သည်။ ထို့အပြင် အလယ်တန်း၊ အထက်တန်း ပညာရေးသင်ကြားပေး လျက်ရှိသည့် နယ်စပ်ဒေသ တိုင်းရင်းသားလူငယ်များ ဖွံ့ဖြိုးရေး သင်တန်းကျောင်း ၄၄ ကျောင်းနှင့် အသက် မွေးဝမ်းကျောင်းပညာရပ်များ လေ့ကျင့်သင်ကြားပေးလျက်ရှိသည့် နယ်စပ်ဒေသ တိုင်းရင်းသားလူငယ်များ စက်မှုလက်မှုပညာ သင်တန်းကျောင်း ကိုးကျောင်း၊ အမျိုးသမီး အိမ်တွင်းမှုသက်မွေးလုပ်ငန်း ပညာသင်တန်း ကျောင်း ၄၃ ကျောင်းတို့ကို ဖွင့်လှစ်ပေးနိုင် ခဲ့သည်။
ဝန်ကြီးဌာနအနေဖြင့် ၂ဝ၁၆ ခုနှစ် မတ် ၃ဝ ရက်မှစပြီး တစ်နှစ်တာကာလအတွင်း ပြည်နယ်/တိုင်းဒေသကြီးများနှင့် ကိုယ်ပိုင် အုပ်ချုပ်ခွင့်ရဒေသများတွင် နယ်စပ်ဒေသ ဖွံ့ဖြိုးရေးလုပ်ငန်းကဏ္ဍ စုစုပေါင်း ၇၃၇ ခုကို ခွင့်ပြုရန်ပုံငွေ ကျပ် ၆၈ ဒသမ ၂၆၂ ဘီလီယံ သုံးစွဲပြီး ဆောင်ရွက်နိုင်ခဲ့ပါသည်။ လုပ်ငန်း များအနေဖြင့် မြေလမ်း ၅၅၉ မိုင်၊ ကျောက်လမ်း ၂၁၉ မိုင်၊ ကတ္တရာလမ်း ၇၅ မိုင်၊ ကွန်ကရစ်လမ်း ၁၂ မိုင်၊ ဆိုင်ကယ်လမ်း ၇၂ မိုင်၊ တံတားကြီး/လတ်/ငယ် ၈၇ စင်း၊ Box Culvert ၉၃၃ ခု၊ စာသင်ကျောင်းအသစ် တည်ဆောက်ခြင်းနှင့် အဟောင်းပြုပြင်ခြင်း ၂၁၅ ကျောင်း၊ ရေတွင်း/ရေကန် တူးဖော်ခြင်း ၁၄၉ ကန်၊ ရေရရှိရေးလုပ်ငန်း ၄၄ ခု၊ မီးလင်း ရေး ၈၆ ရွာတို့ကို ဆောင်ရွက်ပေးနိုင်ခဲ့သည်။
အလားတူ လူ့စွမ်းအားအရင်းအမြစ် ဖွံ့ဖြိုးတိုးတက်ရေးအတွက် တက္ကသိုလ်/ ကောလိပ်၊ လူငယ်ကျောင်းများ၊ အိမ်တွင်းမှု ကျောင်းများ၊ စက်မှုလက်မှုကျောင်းများ၌ ရှိသည့် သင်တန်းသား ၁၂ဝဝဝ ကျော်အတွက် စားသောက် နေထိုင်ရေးနှင့် သင်တန်းဆိုင်ရာ လိုအပ်ချက်များ၊ သင်တန်းအဆောက်အအုံ နှင့် သင်ထောက်ကူပစ္စည်းများအတွက် ခွင့်ပြု ရန်ပုံငွေကျပ် ၁၆ ဒသမ ၄၉၄ ဘီလီယံ ကျခံ သုံးစွဲဆောင်ရွက်နိုင်ခဲ့သည်။
သို့ဖြစ်ပါ၍ တစ်နှစ်တာကာလအတွင်းမှာ ဝန်ကြီးဌာနအနေဖြင့် စုစုပေါင်းခွင့်ပြုရန်ပုံငွေ ကျပ် ၈၄ ဒသမ ၇၅၆ ဘီလီယံသုံးစွဲပြီး အကောင်အထည်ဖော်ဆောင်ရွက်နိုင်ခဲ့သည်။
မြန်မာပြည်(မြောက်ပိုင်း) ဝေးလံခေါင်ဖျားသော ပူတာအို-ခေါင်လန်ဖူးလမ်း ဖောက်လုပ်ခြင်း
နယ်စပ်ဒေသ လမ်း တံတားလုပ်ငန်းများ နှင့်ပတ်သက်၍ နယ်စပ်ရေးရာဝန်ကြီးဌာန၏ မျှော်မှန်းချက်မှာ ကျေးရွာ တစ်ရွာနှင့်တစ်ရွာ၊ နယ်မြေဒေသတစ်ခုနှင့်တစ်ခု ကူးလူးဆက်သွယ် သွားလာနိုင်စေရေး ရှေးဦးစွာ လမ်းများ ပေါက်သွားစေရမည်ဖြစ်ပြီး ထိုလမ်းများကို အသုံးပြုဆက်သွယ်သွားလာရင်း တွေ့ပါများတော့ မြင်၊ မြင်ပါများတော့ ရင်းနှီးဆိုသည့် စကားနှင့်အညီ ချစ်ကြည်ရင်းနှီးမှု ပိုမိုခိုင်မြဲလာကာ တိုင်းရင်းသားစည်းလုံး ညီညွတ်ရေးစိတ်ဓာတ်၊ ပြည်ထောင်စုစိတ်ဓာတ်များ ထွန်းကားပြန့်ပွားလာရေးပင်ဖြစ်သည်။ ထိုမျှော်မှန်းချက်နှင့်အညီ တိုင်းဒေသကြီး/ ပြည်နယ်များ၊ ကိုယ်ပိုင်အုပ်ချုပ်ခွင့်ရဒေများ အတွင်း ဆောင်ရွက်ခဲ့သော လမ်း/တံတား စီမံကိန်းလုပ်ငန်းများအနက် ဝေးလံခေါင်ဖျားသည့် ကချင်ပြည်နယ်(မြောက်ပိုင်း)တွင် ပူတာအို-နောင်မွန်လမ်းပေါ်ရှိ မဂွေဇမှ ခေါင်လန်ဖူးအထိ ၆၅ မိုင်ကို ခက်ခဲကြမ်းတမ်းသည့် တောတောင်လျှိုမြောင်များဖြတ်ပြီး တပ်မတော်လေယာဉ်၊ ရဟတ်ယာဉ်၊ B.E အင်ဂျင်နီယာစစ်သည်များ၏ ပူးပေါင်းပါဝင်မှု ဖြင့် ဖောက်လုပ်ပေးနိုင်ခဲ့သည်။ အဆိုပါလမ်း ကို မဂွေဇကနေ ငါ့လုံဒမ်အထိ အပိုင်း (၁) အဖြစ်လည်းကောင်း၊ ငါ့လုံဒမ်မှ ရီဒမ်းအထိ ကို အပိုင်း (၂)အဖြစ်လည်းကောင်း၊ ရီဒမ်းမှ ခေါင်လန်ဖူးအထိကို အပိုင်း (၃) အဖြစ်လည်း ကောင်း ဖောက်လုပ်သွားမည်ဖြစ်သည်။
နယ်စပ်ဒေသကျေးလက်များတွင် သန့်ရှင်းသော သောက်သုံးရေ/စိုက်ပျိုးရေ ရရှိရေး
လက်ရှိ နိုင်ငံတော်အစိုးရ တာဝန်ယူပြီးနောက် နယ်စပ်ရေးရာဝန်ကြီးဌာန၏ ရက် (၁ဝဝ) စီမံကိန်းအရ နိုင်ငံတော်တစ်ဝန်း၌ ရေကန်ပေါင်း ၁ဝဝ တူးဖော်ဆောင်ရွက်ပေး ခဲ့သည်မှ အစပြု၍ ၂ဝ၁၆-၂ဝ၁၇ ဘဏ္ဍာ နှစ်အတွင်း တိုင်းဒေသကြီးနှင့် ပြည်နယ် အသီးသီးတွင် ဆက်လက်၍ ရေကန်များ တူးဖော်ပေးခြင်း၊ စိမ့်စမ်းရေသွယ်ယူခြင်း၊ စက်တူးတွင်း၊ လက်တူးတွင်း တူးဖော်ပေးခြင်း တို့ကို စုစုပေါင်း ရန်ပုံငွေကျပ် ၃၅ဝ၇ သန်း ဖြင့် အကောင်အထည်ဖော် ဆောင်ရွက်ခဲ့သည့်အတွက် တိုင်းရင်းသားပြည်သူများ၏ သောက်သုံးရေရှားပါးမှု အခက်အခဲကို အတိုင်းအတာတစ်ခုအထိ ဖြည့်ဆည်းဆောင်ရွက် ပေးနိုင်ခဲ့သည်။
တိုင်းရင်းသားများ၏ လူမှုစီးပွားဘဝ မြှင့်တင်ရေး စံပြကျေးရွာများထူထောင်
နယ်စပ်ရေးရာဝန်ကြီးဌာနသည် ယခင် ကတည်းကပင် ရခိုင်ပြည်နယ်အတွင်း၌ နတလ စံပြကျေးရွာ ၁၉ ရွာ၊ စုစည်းကျေးရွာ ၂ဝ စုစုပေါင်း ၃၉ ရွာကို တည်ဆောက်ပေး ခဲ့သည်။ ယခုလည်း မောင်တောမြို့နယ် ကျောက်ပန္ဒူကျေးရွာ၌ ရခိုင်တိုင်းရင်းသား မိသားစုများအတွက် စံပြကျေးရွာတစ်ရွာ ထူထောင်ရန် တန်ဖိုးသင့် အိမ်ရာ အလုံး ၁ဝဝ တည်ဆောက်လျက်ရှိပြီး ကျေးရွာတွင်း လမ်းများဖောက်လုပ်ခြင်း၊ ရေသွယ်ယူခြင်း၊ မီးလင်းရေးလုပ်ငန်းများအပြင် နေထိုင်မည့် ပြည်သူများအတွက် ရိက္ခာထောက်ပံ့ခြင်း လုပ်ငန်းများကို စနစ်တကျ အကောင်အထည် ဖော် ဆောင်ရွက်ပေးသွားမည်ဖြစ်သည်။IDP များအတွက် စစ်တွေတွင် တဲတန်းလျားအလုံး ၅ဝ၊ ရမ်းဗြဲတွင် ၁၂ လုံး စုစုပေါင်း ၆၂ လုံး ပြုပြင်ပေးခဲ့သည်။ ထို့အတူ ကယားပြည်နယ် ဟွေပုံလောင်းဒေသ ဟွေအော့ကျေးရွာတွင်လည်း တန်ဖိုးသင့်အိမ်ရာများ ဆောက်လုပ်ပေးပြီး ကျေးရွာသစ်တစ်ရွာ တည်ဆောက် ပေးခဲ့သည်။
လူသားချင်းစာနာသည့် အထောက်အပံ့များ
ဝေးလံခေါင်းဖျားသော နယ်စပ်ဒေသရှိ ဆင်းရဲနွမ်းပါးသော တိုင်းရင်းသားများ၊ တိုင်းရင်းသားလက်နက်ကိုင် အဖွဲ့အစည်းများ နှင့် IDPs များအတွက် လူသားချင်းစာနာသော အထောက်အကူအဖြစ် ဆန်၊ ဆီ၊ ဆား၊ ပဲ စသည့် စားနပ်ရိက္ခာများ၊ လူသုံးကုန်ပစ္စည်း များနှင့် အဝတ်အထည်များ စုစုပေါင်း ကျပ်သန်း ၁ဝ၆ဝ ထောက်ပံ့ပေးအပ်နိုင်ခဲ့သည်။
စာသင်ကျောင်း ၁ဝဝ စီမံကိန်းများ
နယ်စပ်ရေးရာ ဝန်ကြီးဌာနအနေဖြင့် နိုင်ငံတကာအဖွဲ့အစည်းများနှင့် ပူးပေါင်းပြီး ဒေသဖွံ့ဖြိုးရေးလုပ်ငန်းများ ဆောင်ရွက်လျက်ရှိရာ ဂျပန်နိုင်ငံ နိပွန်ဖောင်ဒေးရှင်း အထောက်အပံ့ဖြင့် ရခိုင်ပြည်နယ်တွင် BAJ အဖွဲ့မှ စာသင်ကျောင်း ၁ဝဝ၊ ရှမ်းပြည်နယ် တွင် စေတနာအဖွဲ့မှ စာသင်ကျောင်း ၁ဝဝ ကို ပြည်နယ်တစ်ခုလျှင် တစ်နှစ်လျှင် စာသင် ကျောင်း ၂ဝ စီဖြင့် တည်ဆောက်ပေးလျက်ရှိရာ ယခုနှစ်အထိ စာသင်ကျောင်း ၁ဝဝ စီဖြင့် စုစုပေါင်း စာသင်ကျောင်း ၂ဝဝ အား တည် ဆောက်ပေးနိုင်ခဲ့ပြီး ဖြစ်သည်။
ဘိန်းအစားထိုးဖွံ့ဖြိုးရေးလုပ်ငန်းများ
နိုင်ငံတော်ဖွံ့ဖြိုးရေးတွင် အဓိကကျသော လုပ်ငန်းစဉ်တစ်ရပ်ဖြစ်သည့် မူးယစ်ဆေးဝါး စိုက်ပျိုးမှုပပျောက်ရေး အတွက် ရှမ်းပြည်နယ် (တောင်ပိုင်း) နောင်တရားဒေသတွင် ဘိန်း စိုက်ပျိုးသည့် ကျေးရွာများအား စိုက်ပျိုးမှု ပပျောက်စေရေးအတွက် အစားထိုးဖွံ့ဖြိုးရေး လုပ်ငန်းများအဖြစ် Pilot Project သုံးနှစ် စီမံကိန်းကို သက်ဆိုင်သည့်ဝန်ကြီးဌာန လေးခု ပူးပေါင်းပြီး အကောင်အထည်ဖော်ဆောင် ရွက်ရန် မြေပြင်ကွင်းဆင်း စစ်တမ်းကောက်ယူခြင်း လုပ်ငန်းကို ယခုနှစ်တွင် ဆောင်ရွက်ခဲ့ပြီး ဒေသ၏လိုအပ်ချက်အပေါ် စီမံကိန်းရေးဆွဲ၍ ၂ဝ၁၇-၂ဝ၁၈ ဘဏ္ဍာနှစ်မှစတင်ပြီး အကောင် အထည်ဖော် ဆောင်ရွက်သွားရန် လျာထား ဆောင်ရွက်နိုင်ခဲ့သည်။














No comments:

Post a Comment