Tuesday, April 4, 2017

နိုင်ငံတော်အစိုးရ၏ ပြည်သူ့အတွက် ပထမ တစ်နှစ်တာ (ကာကွယ်ရေးဝန်ကြီးဌာန)အပိုင်း-၁

နိုင်ငံတော်အစိုးရ၏ ပြည်သူ့အတွက် တစ်နှစ်တာကာလအတွင်း နိုင်ငံတော်ဖွံ့ ဖြိုးတိုး တက်ရေးနှင့် ပြည်သူလူထုက ရွေးချယ်သော ပါတီစုံဒီမိုကရေစီ လမ်းကြောင်းပေါ်တွင် ခိုင်ခိုင်မာမာ လျှောက်လှမ်းနိုင်ရန် ထိန်းသိမ်းဆောင်ရွက်ရေး တို့အတွက် ကာကွယ်ရေး ဝန်ကြီးဌာနက ဆောင်ရွက်လျက်ရှိပါသည်။ ထိုသို့ ဆောင်ရွက်နေသော လုပ်ငန်းများမှ သဘာဝပတ်ဝန်းကျင်ထိန်းသိမ်းရေး ဆောင်ရွက်မှု၊ သဘာဝဘေး အန္တရာယ်ကျရောက်စဉ် ပြည်သူများအား ကူညီထောက်ပံ့မှု၊ တက္ကသိုလ်လေ့ကျင့်ရေး တပ်များ
ပြန်လည်ဖွင့်လှစ်ပေးနိုင်မှု၊ ကျေးလက်ဒေသများတွင် ကျန်းမာရေးစောင့် ရှောက်ပေးနိုင်မှု၊ အရွယ်မရောက်သေးသော ကလေးသူငယ်များ စစ်မှုထမ်းခြင်းမှ ကာကွယ် တားဆီးထိန်းသိမ်းဆောင်ရွက်မှုတို့ကို စုစည်းဖော်ပြအပ်ပါသည်။
တောမြိုင်ရဂုံဇီဝစုံ၏
သက်ရှိသတ္တဝါအားလုံးတို့သည် သဘာဝပတ်ဝန်းကျင်ကို အမှီပြုနေထိုင်ကြရသည်။ သဘာဝပတ်ဝန်းကျင်တွင် မြေထု၊ ရေထု၊ လေထု၊ ရာသီဥတု၊ အသံ၊ အနံ့တို့ အားလုံး ပါဝင်နေကြရာ ရေမြေတောတောင် သဘာဝ အရင်းအမြစ်များ၊ ရှေးဟောင်းယဉ်ကျေးမှု အဆောက်အအုံများ၊ ဇီဝမျိုးစုံမျိုးကွဲဖြစ်သော သစ်ပင်ပန်းမန်များ ပေါက်ရောက် ရှင်သန်ရာနေရာနှင့် တိရ္ဆာန်သတ္တဝါများ မှီတင်းနေထိုင်ရာတို့သည် သဘာဝ ပတ်ဝန်းကျင်ပင် ဖြစ်သည်။ သဘာဝပတ်ဝန်းကျင်အခြေအနေသည် လွန်ခဲ့သော နှစ်ပေါင်း ၅၀ ကျော်ကာလအတွင်း သိသိသာသာ ယိုယွင်း ပျက်စီးလာခဲ့ရာ သဘာဝ အလျောက် ယိုယွင်းပျက်စီးမှုအခြေအနေထက် လူတို့ပယောဂကြောင့် ပျက်စီးမှုက ပိုမိုများပြားကြောင်း လေ့လာတွေ့ရှိရသည်။
သဘာဝအလျောက် ပတ်ဝန်းကျင်ယိုယွင်းပျက်စီးမှု အခြေအနေများမှာ မီးတောင် ပေါက်ကွဲခြင်း၊ တောမီးလောင် ကျွမ်းခြင်း၊ ရေကြီးရေလျှံခြင်းကြောင့် မြေထု၊ ရေထု၊ လေထုတို့ညစ်ညမ်းလာပြီး မြေဆီလွှာတိုက်စားခံရခြင်း တို့ဖြစ်သည်။ ကမ္ဘာ့နိုင်ငံ များတွင် လူဦးရေထူထပ်ခြင်းနှင့် ဆင်းရဲကျပ်တည်းခြင်း တို့ကြောင့် သဘာဝအရင်း အမြစ်များကို အလွန်အကျွံ ထုတ်ယူသုံးစွဲကြရာမှ သစ်တောများပြုန်းတီးမှု၊ မြေဆီလွှာပြုန်းတီးမှု၊ သဲက္တာရဖြစ်ထွန်းမှု၊ ဇီဝမျိုးစုံမျိုးကွဲများ ပျောက်ကွယ်လာမှု တို့သည် လူတို့ပယောဂကြောင့် သဘာဝပတ်ဝန်းကျင် ယိုယွင်းပျက်စီး မှုဖြစ်သည်။
သဘာဝပတ်ဝန်းကျင် ယိုယွင်းပျက်စီးလာမှုကြောင့် ကမ္ဘာ့ရာသီဥတု ပြောင်းလဲ ဖောက်ပြန်လာပြီး သဘာဝဘေး အန္တရာယ် များဖြစ်သည့် တောင်ပြိုခြင်း၊ မြေပြိုခြင်း၊ ရေကြီး ရေလျှံဖြစ်ခြင်း၊ မြစ်ချောင်းများတိမ်ကောခြင်း၊ မီးတောင်များ ပေါက်ကွဲခြင်း၊ ငလျင်လှုပ်ခြင်း၊ တောမီးလောင်ခြင်းနှင့် လေပြင်းမုန်တိုင်းတိုက်ခတ်ခြင်းတို့ကို ကမ္ဘာ့ပြည်သူများကြုံတွေ့နေကြရသည်။ ထို့ကြောင့် ကမ္ဘာကြီးပူနွေးလာမှုနှင့် သဘာဝဘေး အန္တရာယ်လျော့ ပါးစေရန် သစ်တောများထိန်းသိမ်းရေးနှင့် သစ်ပင် စိုက်ပျိုးရေးကို နိုင်ငံအလိုက်အမျိုးသားအဆင့် မူဝါဒများ ချမှတ်ဆောင် ရွက်နေကြသည်။ သစ်တောများက အထောက်အပံ့ပြုသော ပတ်ဝန်းကျင်ဆိုင်ရာဝန်ဆောင်မှု (Provisional Services) များမှာ သစ်နှင့် သစ်မဟုတ်သော သစ်တောထွက် ပစ္စည်းများ၊ ဇီဝမျိုးစုံမျိုးကွဲများ၊ စားနပ်ရိက္ခာနှင့် ရေကောင်းရေသန့်ရရှိစေခြင်း၊ ပတ်ဝန်း ကျင်ထိန်းညှိမှုဆိုင်ရာဝန်ဆောင်မှု (Regulating Services) များမှာ ရာသီဥတု ပြောင်းလဲမှုကိုထိန်းညှိခြင်း၊ လေထုအတွင်းမှ ကာဗွန်စုပ်ယူသိုလှောင်ခြင်း၊ ရေနှင့် လေသန့်စင် မှုလုပ်ငန်းများ၊ မြေတိုက်စားမှု၊ မြေပြိုမှုကိုကာကွယ်ခြင်း၊ ဝတ်မှုန်ကူးခြင်းနှင့် ပိုးမွှားကျရောက်မှုမှ ကာကွယ်ပေးခြင်း စသည်တို့ဖြစ်ကြောင်း သိရသည်။
တောတောင်စိမ်းမှစမ်းရေရ၏
သစ်ပင်များစိုက်ပျိုးခြင်းဖြင့် ကမ္ဘာကြီးပူနွေးလာမှုကို ကာကွယ်နိုင်ခြင်း၊ ရာသီဥတု ဖောက်ပြန်ပျက်စီးမှုများကို ကာကွယ်နိုင်ခြင်း၊ ရောဂါဆိုးများမပေါ်ပေါက် အောင် ဟန့်တားနိုင်ခြင်း၊ သဘာဝပတ်ဝန်းကျင်ကို စိမ်းစိုသာယာ လှပစေနိုင်ခြင်းနှင့် ဂေဟစနစ်ကို ထိန်းညှိနိုင်ခြင်းစသော ကောင်းကျိုးများကို ရရှိမည့်အပြင် သစ်ပင် သစ်တော များသည် ရေကိုစုစည်းခြင်း၊ သိုလှောင်ခြင်း၊ ပတ်ဝန်းကျင်ကိုဖြန့်ဖြူးခြင်း၊ လူသားတို့အတွက် ကောင်းကျိုးမပြုသော ကာဗွန်ဒိုင်အောက်ဆိုက်ဓာတ်ငွေ့ကို စုပ်ယူ၍ အောက်ဆီဂျင်ဓာတ်ငွေ့ကိုထုတ်ပေးခြင်း၊ အပူရှိန်ကို စုပ်ယူခြင်း၊ ပတ်ဝန်း ကျင်ရောင်ပြန်ဟပ်မှုနည်းပါးခြင်း၊ လေပြင်း တိုက်ခတ်မှုများကို ကြားဖြတ်ဟန့်တားခြင်း၊ မြစ်/ချောင်း/ ရေကာ တာတို့အား နုန်းမြေတင်မှုကိုကာကွယ်ပေးခြင်း၊ မြေဆီ လွှာများဖြစ်ပေါ်စေခြင်းနှင့် ထိန်းသိမ်းပေးခြင်း၊ အမြင့်ပိုင်းမှလာသော လေအေး လှိုင်းများဒဏ်မှ ကာကွယ်ပေးခြင်းစသည့် အကျိုးကျေးဇူးများလည်း ရရှိစေပါသည်။
တပ်မတော်အနေဖြင့်လည်း နိုင်ငံတော်နှင့် ပြည်သူတို့၏ အသက်အိုးအိမ်စည်း စိမ်တို့ကို ကာကွယ်စောင့်ရှောက် နေသည်သာမက နိုင်ငံတော်အစိုးရနှင့် လက်တွဲကာ သဘာဝပတ်ဝန်းကျင် ထိန်းသိမ်းရေး၊ သဘာဝဘေး အန္တရာယ်ကာကွယ်ရေးနှင့် နိုင်ငံ တစ်ဝန်း ထာဝစဉ်စိမ်းလန်းစိုပြည်ရေးတို့ကို အမျိုးသားရေး တာဝန်တစ်ရပ်အဖြစ် သတ်မှတ်ကာ တပ်မတော်တစ်ရပ်လုံးတွင် မိုးရာသီသစ်ပင်စိုက်ပျိုးပွဲတော်များကို နှစ်စဉ်ကျင်းပပြုလုပ်၍ သစ်ပင်များ စိုက်ပျိုးလျက်ရှိရာ ၂၀၁၆ ခုနှစ် မိုးရာသီကာလ အတွင်း သစ်ပင်စိုက်ပျိုးပွဲတော် သုံးကြိမ်ပြုလုပ်နိုင်ခဲ့ပြီး တပ်မတော်တစ်ရပ်လုံးအနေဖြင့် စက်မှုကုန်ကြမ်း သီးနှံပင် ၅၈၇၈၁ ပင်၊ ရတနာတန်းဝင်ပင် ၃၈၄၂၃၂ ပင်၊ နှစ်ရှည်သီးနှံပင် ၂၂၃၈၀၇ ပင်၊ အရိပ်ရလေကာပင် ၅၅၅၇၄၉ ပင် စုစုပေါင်း ၁၂၂၂၅၆၉ ပင်အား စိုက်ပျိုး နိုင်ခဲ့ပါသည်။
သဘာဝဘေးကယ်ဆယ်ရေးကူညီထောက်ပံ့ပေး မြန်မာနိုင်ငံတွင် သဘာဝဘေးအန္တရာယ်ကြောင့် ဖြစ်ပေါ် နိုင်သည့် ဆုံးရှုံးမှုများလျော့ပါးနိုင်သမျှ လျော့ပါးရေးအတွက် သဘာဝဘေးအန္တရာယ်မကျရောက်မီ ကြိုတင်ပြင်ဆင်ခြင်းနှင့် ကြိုတင်ကာကွယ်ခြင်းအပါအဝင် သဘာဝဘေးအန္တရာယ် လျော့ပါးရေးလုပ်ငန်းများ၊ သဘာဝဘေးအန္တရာယ် ကျရောက် သည့်အခါ ရှာဖွေကယ်ဆယ်ရေးအပါအဝင် အရေးပေါ်တုံ့ပြန် ရေးလုပ်ငန်းများနှင့် သဘာဝဘေး အန္တရာယ် ကျရာက်ပြီးနောက် ပြန်လည်ထူထောင်ရေးနှင့် ပြန်လည်တည်ဆောက်ရေးလုပ်ငန်း များကိုလည်းကောင်း၊ နိုင်ငံတော်ဖွံ့ ဖြိုးတိုးတက်ရေးလုပ်ငန်း များတွင် သဘာဝဘေးအန္တရာယ် လျော့ပါးရေးအစီအမံများ ထည့်သွင်း ဆောင်ရွက်သည့် လုပ်ငန်းများ ဆောင်ရွက်ရန်အတွက် “သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေ” ကို ၂၀၁၃ ခုနှစ် ဇူလိုင် ၃၁ ရက်တွင် ပြဋ္ဌာန်းခဲ့ပါသည်။
တပ်မတော်သည် ဖွဲ့စည်းပုံအခြေခံဥပဒေ အခန်း(၇) ပုဒ်မ-၃၄၁၌ နိုင်ငံတော်တွင် နိုင်ငံတော်နှင့် နိုင်ငံသားများ အတွက် ဘေးအန္တရာယ်များကျရောက်လာလျှင် တပ်မတော် ကကူညီဆောင်ရွက်ရမည်ဟု ပြဋ္ဌာန်းထားသကဲ့သို့ သဘာဝဘေး အန္တရာယ်ဆိုင်ရာ စီမံခန့်ခွဲမှုဥပဒေပုဒ်မ-၁(ဏ)တွင် သဘာဝ ဘေးအန္တရာယ်ကျရောက်သည့်အခါ ဘေးသင့်သူများအား အကူအညီပေးနိုင်ရေးအတွက် မြန်မာနိုင်ငံရဲတပ်ဖွဲ့၊ မီးသတ် တပ်ဖွဲ့၊ ကြက်ခြေနီတပ်ဖွဲ့၊ လူမှုအဖွဲ့အစည်းနှင့် အစိုးရမဟုတ်သော အခြားအဖွဲ့အစည်းများအပြင် လိုအပ်ပါက တပ်မတော် ၏အကူအညီများ ရယူဆောင်ရွက်ခြင်းဟူ၍ လည်းကောင်း၊ ပုဒ်မ-၁(တ)တွင် သဘာဝဘေးအန္တရာယ်ကျရောက်သည့် ဒေသတွင် လုံခြုံရေးဆောင်ရွက်ပေးရန် မြန်မာနိုင်ငံရဲတပ်ဖွဲ့၏အင်အား အပြင် လိုအပ်ပါကတပ်မတော်၏ အင်အားကို ရယူဆောင်ရွက် ခြင်းဟူ၍လည်းကောင်း၊ ပုဒ်မ-၁၅(ဆ)တွင် ရှာဖွေကယ်ဆယ် ရေးနှင့် ထောက်ပံ့ရေးလုပ်ငန်းများကို လျင်မြန်ထိရောက်စွာ ဆောင်ရွက်နိုင်ရေးအတွက် တပ်မတော်၊ မြန်မာနိုင်ငံရဲတပ်ဖွဲ့၊ မီးသတ်တပ်ဖွဲ့၊ ကြက်ခြေနီ တပ်ဖွဲ့၊ စေတနာ့ဝန်ထမ်း အဖွဲ့အစည်းများ၊ လူမှုအဖွဲ့အစည်းများနှင့် အစိုးရမဟုတ်သော အခြားအဖွဲ့ အစည်းများ၏ အကူအညီများရယူရန် စီမံထားရှိခြင်းဟူ၍ လည်းကောင်း ပြဋ္ဌာန်းထားသည်ကို တွေ့ရှိရပါသည်။
ထို့ပြင် တပ်မတော်အနေဖြင့် သဘာဝဘေးအန္တရာယ် ဖြစ်ပွားသည်နှင့် အမိန့်တစ်စုံတစ်ရာ စောင့်ဆိုင်းခြင်းမပြုဘဲ အလျင်မြန်ဆုံး သွားရောက်ကူညီဆောင်ရွက်သွားရမည် ဖြစ် ကြောင်း၊ မိမိတို့တပ်မတော်အနေဖြင့် နိုင်ငံတကာ တပ်မတော် များနည်းတူ နိုင်ငံတော်နှင့် နိုင်ငံသားများအပေါ် ကျရောက်လာ မည့် သဘာဝဘေးအန္တရာယ် များအပါအဝင် ဘေးအန္တရာယ် အမျိုးမျိုးကို အချိန်တိုအတွင်း တုံ့ပြန်ဆောင်ရွက်နိုင်စွမ်းရှိ အောင် အမြဲလေ့ကျင့် နေရမည်ဖြစ်ကြောင်း တပ်မတော်ကာကွယ် ရေးဦးစီးချုပ်က အလေးအနက် ညွှန်ကြားထားရှိပြီး ဖြစ်ပါသည်။
ထို့ကြောင့် တပ်မတော်သည် မြန်မာနိုင်ငံတွင် ဖြစ်ပွားခဲ့ သည့် နာဂစ်ဆိုင်ကလုန်းမုန်တိုင်း၊ ဂီရိဆိုင်ကလုန်းမုန်တိုင်း၊ တာလေငလျင်၊ ၂၀၁၁ ခုနှစ်တွင် မိုးသည်းထန်စွာရွာသွန်းမှု ကြောင့် စစ်ကိုင်းတိုင်းဒေသကြီးနှင့် မကွေးတိုင်း ဒေသကြီး အတွင်း ရေကြီးမှုများ၊ ရွှေဘိုငလျင်၊ မဟာဆင်မုန်တိုင်း (ရခိုင် ဒေသ)၊ ၂၀၁၅ ခုနှစ်တွင် ကိုမန်မုန် တိုင်းကြောင့် ဖြစ်ပွားခဲ့သည့် ရေကြီး/ရေလျှံမှု၊ မြေပြိုမှုများစသည့် သဘာဝဘေးအန္တရာယ် များ ကျရောက် လာသည့်အချိန်များတွင် ကယ်ဆယ်ရေးလုပ်ငန်း များကို အားသွန်ခွန်စိုက် အချိန်နှင့်တစ်ပြေးညီ ကြိုးပမ်းဆောင် ရွက်သကဲ့သို့ တပ်မတော်မိသားစုဝင်များကလည်း ငွေကြေး၊ စားသောက်ကုန်နှင့် လူသုံးကုန် ပစ္စည်းများကို ပေးအပ်လှူဒါန်း ခဲ့ပါသည်။
၂၀၁၆-၂၀၁၇ ခုနှစ် အစိုးရသစ်လက်ထက် တာဝန်ယူချိန် ကာလအတွင်း ဖြစ်ပွားခဲ့သည့် လေပြင်းတိုက်ခတ်ခြင်း၊ မြစ်ရေ ကြီးခြင်း၊ ငလျင်လှုပ်ခြင်းနှင့် မီးလောင်ခြင်းစသည့် သဘာဝ ဘေးအန္တရာယ်များ ကျရောက်လာသည့် အချိန်တိုင်းတွင် တပ်မတော်သည် ကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို အချိန်နှင့် တစ်ပြေးညီဆောင်ရွက်ပေးခဲ့ပါသည်။
၂၀၁၆ ခုနှစ်အတွင်း ချင်းပြည်နယ်၊ စစ်ကိုင်းတိုင်းဒေသ ကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ မ္တလေးတိုင်း ဒေသကြီး၊ ရခိုင်ပြည်နယ်၊ ရန်ကုန်တိုင်းဒေသကြီး၊ ရှမ်းပြည်နယ် နှင့် ဧရာဝတီတိုင်းဒေသကြီးများတွင် လေပြင်းတိုက်ခတ်မှု ကြောင့် စေတီပုထိုးများနှင့် လူနေအိမ်များစွာ ပျက်စီးဆုံးရှုံးခဲ့ပြီး တပ်မတော်မှ ဘုရားစေတီ ၉၄၄ ဆူ၊ ဘုန်းကြီးကျောင်း ၅၈ ကျောင်း၊ အိမ်ခြေ ၄၆၈၇ လုံး၊ စာသင်ကျောင်း ၆၄ ကျောင်း၊ ဆေးရုံငါးရုံတို့ကို ပြုပြင်ပေးခြင်းများဆောင်ရွက်ခဲ့ပြီး ကယ်ဆယ် ရေးနှင့်ထောက်ပံ့ရေးပစ္စည်း စုစုပေါင်း တန်ဖိုးငွေကျပ် ၁၁၆ သန်းကျော် ထောက်ပံ့ပေးနိုင်ခဲ့ပါသည်။
၂၀၁၆ ခုနှစ်အတွင်း မိုးသည်းထန်စွာရွာသွန်းမှုကြောင့် ကချင်ပြည်နယ်၊ စစ်ကိုင်းတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ မ္တလေးတိုင်းဒေသကြီး၊ ရခိုင်ပြည်နယ်၊ ရန်ကုန်တိုင်းဒေသကြီး၊ ရှမ်းပြည်နယ်၊ ဧရာဝတီတိုင်းဒေသကြီး နှင့် ၂၀၁၇ ခုနှစ် ဇန်နဝါရီလတွင် တနင်္သာရီတိုင်းဒေသကြီး၌ မြစ်ရေကြီးမှုများဖြစ်ပွားခဲ့ပြီး အိမ်ထောင်စု ၇၇၇၇ စုကို ဘေး လွတ်ရာသို့ ရွှေ့ပြောင်းပေးရာတွင် တပ်မတော်ပိုင် လေယာဉ်၊ ရဟတ်ယာဉ်များဖြင့် ခေါက်ရေ ၄၁ ခေါက်၊ ကုန်တန်ချိန် ၁၂၇ တန်၊ ကယ်ဆယ်ရေးနှင့် ထောက်ပံ့ရေးပစ္စည်း တန်ဖိုးငွေကျပ် ၁၁၉ သန်းကျော် ထောက်ပံ့ပေးနိုင်ခဲ့ပါသည်။
၂၀၁၆ ခုနှစ် ဩဂုတ်လအတွင်း၌ဖြစ်ပွားခဲ့သည့် ပုဂံငလျင် တွင် ပျက်စီးသွားသော စေတီပုထိုးများ၊ သာသနိက အဆောက် အအုံများနှင့် လူနေအိမ်များ ပြန်လည်ပြုပြင်တည်ဆောက်ရေး လုပ်ငန်းများအတွက် တပ်မတော်(ကြည်း၊ ရေ၊ လေ)မိသားစု ဝင်များမှ အလှူငွေကျပ် ၇၉၈ သန်းကျော် ပေးအပ်လှူဒါန်းနိုင် ခဲ့ပါသည်။
၂၀၁၆ ခုနှစ်အတွင်း စစ်ကိုင်းတိုင်းဒေသကြီး၊ ပဲခူးတိုင်း ဒေသကြီး၊ မကွေးတိုင်းဒေသကြီး၊ မ္တလေးတိုင်းဒေသကြီး၊ ရခိုင်ပြည်နယ်၊ ရန်ကုန်တိုင်းဒေသကြီးနှင့် ရှမ်းပြည်နယ်တို့တွင် မီးလောင်ကျွမ်းမှုဖြစ်ပွားခဲ့ရာ တပ်မတော်မှ လုံခြုံရေးဆောင် ရွက်ပေးခြင်း၊ အိမ်ထောင်စု ၅၈၀ စု ကူညီရွှေ့ပြောင်းပေးခြင်းနှင့် ကယ်ဆယ်ရေးနှင့် ထောက်ပံ့ရေးပစ္စည်း တန်ဖိုးငွေကျပ် ၁၃ သန်းကျော် ထောက်ပံ့ပေးနိုင်ခဲ့ပါသည်။
တို့ပြည်မှာ ရန်မရောက်အောင် တို့စောင့်ရှောက်ကြရမည် ပြည်ထောင်စုသမ္မတမြန်မာနိုင်ငံတော်တွင် တိုင်းရင်း သားလူမျိုး ၁၀၀ ကျော်တို့သည် တိုင်းဒေသကြီးများနှင့် ပြည်နယ် များအတွင်း အေးအတူပူအမျှ အတူတကွနေ ထိုင်လျက်ရှိကြရာ ၂၀၁၄ ခုနှစ်က ကောက်ယူခဲ့သော လူဦးရေနှင့် သန်းခေါင် စာရင်းအရ လူဦးရေစုစုပေါင်း ၅၁ ဒသမ ၄ သန်းကျော်ရှိပြီး လူဦးရေတိုးနှုန်းမှာ တစ်နှစ်အတွင်း ပျမ်းမျှ ၀ ဒသမ ၈၉ ရာခိုင် နှုန်းရှိသဖြင့် လူဦးရေပြောင်းလဲမှုဖြစ်စဉ်အရ ၂၀၅၀ ပြည့်နှစ်တွင် လူဦးရေ သန်း ၇၀ ခန့်ရှိမည်ဟု ခန့်မှန်းထားပါသည်။ နိုင်ငံတော် လက်ရှိလူဦးရေမှ အလုပ်လုပ်နိုင်သောလူဦးရေ (အသက် ၁၅ နှစ်မှ ၆၄ နှစ်အတွင်း)သည် ၆၅ ဒသမ ၆ ရာခိုင်နှုန်းရှိပါသည်။
လူဦးရေသိပ်သည်းမှုအနေဖြင့် ၁ စတုရန်း ကီလိုမီတာလျှင် ပျမ်းမျှ ၇၆ ဦးနေထိုင်လျက်ရှိပါသည်။ မသန်စွမ်းသူဦးရေသည် နိုင်ငံတော်လူဦးရေ၏ ၄ ဒသမ ၆ ရာခိုင်နှုန်းရှိပါသည်။ မျက်မှောက်ကာလ ဘက်စုံစစ်ပွဲဆင်နွှဲနေကြသော အချိန်တွင် နိုင်ငံတော်ကာကွယ်ရေးနှင့် လုံခြုံရေးတာဝန် ထမ်းဆောင် ရန် တပ်မတော်နှင့် တိုင်းရင်းသားပြည်သူတို့လက်တွဲ၍ ပြည်သူ့ စစ်မဟာဗျူဟာကို ထိရောက်စွာ အကောင်အထည် ဖော်ရမည် ဖြစ်ပါသည်။ ယနေ့ခေတ်လုံခြုံရေးသည် စစ်မှုရေးရာတစ်ခုတည်း သာမဟုတ်ဘဲ နိုင်ငံရေး၊ စီးပွားရေး၊ လူမှုရေးတို့နှင့် အားလုံး ပတ်သက်ဆက်နွှယ်နေကြောင်း ကမ္ဘာ့နိုင်ငံများမှ ဖြစ်စဉ်ဖြစ်ရပ် များ အရ နိုင်ငံတော်ကာကွယ်ရေးနှင့် ပြည်သူတို့ဘဝလုံခြုံရေး အတွက် ပြည်သူများကိုယ်တိုင် ပူးပေါင်းပါဝင်မှုလိုအပ်ကြောင်း ဖော်ပြနေပါသည်။ ထို့ကြောင့် တက္ကသိုလ်လေ့ကျင့်ရေးတပ် များတွင် လေ့ကျင့်ရေးသင်တန်းများ ပြန်လည် ဖွင့်လှစ်သင် ကြားပေးနိုင်မှုအခြေအနေများကို ဖော်ပြအပ်ပါသည်။
တက္ကသိုလ်များတွင် ပညာသင်ကြားလျက်ရှိသော ကျောင်းသား၊ ကျောင်းသူများနှင့် ဆရာ၊ ဆရာမများကို နိုင်ငံတော် ကာကွယ်ရေးဆိုင်ရာ အသိအမြင်များရရှိစေရန်နှင့် နိုင်ငံတော်တွင် အရေးပေါ်အခြေအနေ ကြုံတွေ့လာပါက လေ့ကျင့်သား ပြည့်ဝသည့် အရန်အင်အားစုတစ်ခု တည်ဆောက်ထားရှိပြီး ဖြစ်ရန်အတွက် ၂၀၁၂-၂၀၁၃ ပညာသင် နှစ်မှစ၍ တက္ကသိုလ် လေ့ကျင့်ရေးတပ်များဖွင့်လှစ်ခဲ့ပါသည်။ အမှတ်(၂)နှင့် အမှတ် (၃) တက္ကသိုလ်လေ့ကျင့်ရေး တပ်များတွင် အခြေခံနှင့် တန်းမြင့် စစ်ပညာသင်တန်း နှစ်နှစ်သင်ရိုးဖြင့် ဆန္ဒပြုသည့် တက္ကသိုလ် ဆရာများနှင့် ကျောင်းသားများကို လေ့ကျင့်ပေးနိုင်ခဲ့ပါသည်။ ၂၀၁၃-၂၀၁၄ ပညာသင်နှစ်တွင် ပညာရေးစနစ် လေးနှစ်သို့ ပြောင်းလဲသွားသဖြင့်ယခင် ၁၉၇၉-၁၉၈၀ပြည့်နှစ်မတိုင်မီ သင်ရိုး ညွှန်းတမ်းများအတိုင်း လေ့ကျင့်သင်ကြားပေး ခဲ့ပါသည်။ ၂၀၁၄- ၂၀၁၅ ပညာသင်နှစ်၌ အမှတ်(၁) တက္ကသိုလ်လေ့ကျင့်ရေးတပ် တွင် သင်တန်းများ ပြန်လည်ဖွင့်လှစ်လေ့ကျင့်ပေးနိုင်ခဲ့ပြီး ၂၀၁၅-၂၀၁၆ ပညာသင်နှစ်၌ အမှတ်(၄) တက္ကသိုလ်လေ့ကျင့်ရေး တပ်တွင်လည်း သင်တန်းဖွင့်လှစ်၍ ကျောင်းသူများကိုပါ သင်ကြားပေးနိုင်ခဲ့ပါသည်။
၂၀၁၅-၂၀၁၆ ပညာသင်နှစ်တွင် လေ့ကျင့်သင်ကြားပေးနိုင် ခဲ့သည့်ဦးရေမှာ ဆရာ ၄၂ ‘ဦး၊ ဆရာမ ၂၆ ဦး၊ ကျောင်းသား ၁၅၂၃ ‘ဦးနှင့် ကျောင်းသူ ၁၆၀၈ ဦး စုစုပေါင်း ၃၁၉၉ ဦး ဖြစ်ပါ သည်။ ၂၀၁၆-၂၀၁၇ ပညာသင်နှစ်တွင် လေ့ကျင့်သင်ကြားပေး နိုင်ခဲ့သည့်ဦးရေမှာ ဆရာ ၂၄ ‘ဦး၊ ဆရာမ ၂၃ ‘ဦး၊ ကျောင်း သား ၁၇၃၇ ‘ဦးနှင့် ကျောင်းသူ ၂၃၅၇ ‘ဦး စုစုပေါင်း ၄၁၄၁ ဦး ဖြစ်ပါသည်။
တက္ကသိုလ်လေ့ကျင့်ရေးတပ်များ ဖွင့်လှစ်ရခြင်းမှာ တက္ကသိုလ်ပညာရပ်များ သင်ကြားပြီးနောက် တပ်မတော် အရာရှိများအဖြစ် ထမ်းဆောင်နိုင်ရန်၊ ပြည်သူ့စစ်မဟာဗျူဟာ အတွက် အခြေခံအင်အားစုတစ်ရပ်အနေဖြင့် တည်ဆောက် ထားရန်၊ နိုင်ငံတော်တာဝန်ထမ်းဆောင်ရာ၌ အရည်အသွေး ပြည့်ဝပြီး ကိုယ်ကျင့်တရား၊ စည်းကမ်း၊ စိတ်ဓာတ်ကောင်းမွန်စေ ရန်၊ ပြည်သူ့စစ်အခြေခံသဘောတရားများ ပြည့်ဝလာစေရန်နှင့် ကာကွယ်ရေးဆိုင်ရာ အသိအမြင်များ ရရှိစေရန်ဖြစ်ပါသည်။
တက္ကသိုလ်လေ့ကျင့်ရေးတပ်များတွင် တက္ကသိုလ် ကျောင်း သား၊ ကျောင်းသူများအား သင်တန်းတက်ရောက် လေ့ကျင့် စေခြင်းဖြင့် နိုင်ငံတော်၏မူဝါဒဖြစ်သော ဒို့တာဝန်အရေးသုံးပါးကို ကာကွယ်စောင့်ထိန်းလိုသော စိတ်ဓာတ်များ၊ နိုင်ငံချစ်စိတ်၊ မျိုးချစ်စိတ်များ ပိုမိုရင့်သန်လာနိုင်စေမည်ဖြစ်ပြီး နိုင်ငံတော် ကာကွယ်ရေးဆိုင်ရာ အသိအမြင်များရရှိ၍ နိုင်ငံတော်အတွက် အားထားရသော နိုင်ငံ့သားကောင်းများ မွေးထုတ်ပေးနိုင်မည် ဖြစ်ပါသည်။
အကြင်နာ စေတနာ ဘေးကင်းကွာ ပြည်သူများကျန်းမာကြစေရာ
တပ်မတော်က ထမ်းဆောင်နေသော နိုင်ငံတော်ကာကွယ် ရေးတာဝန်၊ လေ့ကျင့်ရေးတာဝန်၊ ပြည်သူ့အကျိုးပြု လုပ်ငန်း တာဝန်တို့တွင် ဆေးဝန်ထမ်းတပ်ဖွဲ့သည် ကျန်းမာရေးစောင့် ရှောက်မှုလုပ်ငန်းများဖြင့် ပါဝင်ထမ်းဆောင် လျက်ရှိပါသည်။
ကျန်းမာရေးစောင့်ရှောက်မှုလုပ်ငန်း တာဝန်ထမ်းဆောင်ရာတွင် တပ်မတော်သားများနှင့်မိသားစုများ၏ ကျန်းမာရေးစောင့် ရှောက်မှုများ ဆောင်ရွက်ပေးသကဲ့သို့ ပြည်သူများ၏ကျန်းမာ ရေးစောင့်ရှောက်မှု လုပ်ငန်းများကိုလည်း လူမျိုး၊ ဘာသာ၊ အဆင့်အတန်းမခွဲခြားဘဲ ပြုစုစောင့်ရှောက်ပေးလျက် ရှိပါသည်။
နိုင်ငံသားတိုင်း ကျန်းမာကြံ့ခိုင်ရေးအတွက် နိုင်ငံတော် အနေဖြင့် အခမဲ့ကျန်းမာရေးဝန်ဆောင်မှုများ တိုးမြှင့် ဆောင်ရွက် ပေးလျက်ရှိသော်လည်း ဝေးလံခေါင်းပါး၍ ကျန်းမာရေးစောင့် ရှောက်မှုလိုအပ်လျက်ရှိသော ကျေးလက်ဒေသများသို့ တပ်မတော်ဆေးဝန်ထမ်းတပ်ဖွဲ့အနေဖြင့် အထူးဆေးကုသမှု အဖွဲ့များစေလွှတ်၍ လည်းကောင်း သက်ဆိုင်ရာ တိုင်းစစ်ဌာနချုပ် အစီအစဉ်ဖြင့်လည်းကောင်း၊ ဒေသခံပြည်သူလူထုများအား ၂၀၁၂ ခုနှစ်မှ ၂၀၁၆ ခုနှစ်အတွင်း ကျန်းမာရေးစောင့်ရှောက်မှု ပေးနိုင်သည့် အကြိမ်အရေအတွက် ၂၉၈၃ ကြိမ်၊ ဆေးဝါးကုသ မှုခံယူသည့် ပြည်သူ ၁၃၃၂၀၁၂ ဦးရှိခဲ့ပြီး ၎င်းတို့အနက်မှ ၁၃၄၁၃ ဦးအား တပ်မတော်ဆေးရုံများသို့ ပြောင်းရွှေ့တက် ရောက်စေ၍ ဆေးကုသမှုများလုပ်ဆောင်ပေးနိုင်ခဲ့ပါသည်။
ရွေ့လျားခွဲစိတ်ယာဉ်၊ ဓာတ်ခွဲယာဉ်နှင့် ဓာတ်မှန်ရိုက်ယာဉ် များပါဝင်သည့် တပ်မတော်နယ်လှည့် အထူးကုဆေးအဖွဲ့များ၊ တပ်မတော်ပင်လယ်သွား ဆေးရုံရေယာဉ်(သံလွင်)၊ မြစ်တွင်း သွားဆေးရုံရေ ယာဉ်(ရွှေပုဇွန်)နှင့် မြစ်ရေယာဉ်(စကု)တို့ဖြင့် ပြည်သူလူထု၏ကျန်းမာရေးစောင့်ရှောက်မှုလုပ်ငန်းများ အရှိန် အဟုန်မပျက် ဆက်လက်လုပ်ဆောင်ပေးခြင်းနှင့် သဘာဝဘေး အန္တရာယ်ကျရောက်ပါကအချိန်နှင့်တစ်ပြေးညီ ကူညီကယ်ဆယ် ရေးလုပ်ငန်းများ ဆောင်ရွက်ပေးခြင်းတို့အား လုပ်ဆောင်လျက် ရှိပါသည်။
ရွေ့လျားခွဲစိတ်၊ ဓာတ်ခွဲနှင့် ဓာတ်မှန်ယာဉ်များဖြင့် ပြည်သူ လူထုအတွင်းအဖြစ်များသော တီဘီရောဂါနှင့် အသက်ရှူ လမ်းကြောင်းဆိုင်ရာရောဂါများ၊ ကင်ဆာရောဂါများ၊ နာတာရှည် အဆစ်ရောင်ရောဂါ၊ ထိခိုက်အရိုးကျိုး ဒဏ်ရာများနှင့် ရင်သား ကင်ဆာရောဂါများ ရှာဖွေဖော်ထုတ်ကုသပေးနိုင်ခြင်း၊ သွေး ဖောက်စစ်ဆေးပေးခြင်း၊ အသေးစားခွဲစိတ်မှုများ၊ အကြီးစား ခွဲစိတ်မှုများ၊ အရေးပေါ်ခွဲစိတ်မှုများနှင့် မျက်စိခွဲစိတ်မှုများ ပြုလုပ် ပေးခဲ့ရာ ၂၀၁၆ ခုနှစ် မေလမှ ၂၀၁၇ ခုနှစ် ဖေဖော်ဝါရီလအတွင်း ကျန်းမာရေးစောင့်ရှောက်မှု ခုနစ်ကြိမ်ဆောင်ရွက်ခဲ့ကာ အထွေထွေရောဂါ၊ ခွဲစိတ်မှုရောဂါ၊ အရိုးရောဂါ၊ မျက်စိရောဂါ၊ သွားရောဂါ၊ သားဖွားမီးယပ်ရောဂါနှင့် ကလေးရောဂါ စုစုပေါင်း ၉၅၉၁၉ ဦးကို ကျန်းမာရေးစောင့်ရှောက်မှု ပေးနိုင်ခဲ့ပါသည်။



No comments:

Post a Comment