Tuesday, April 4, 2017

နိုင်ငံတော်အစိုးရ၏ ပြည်သူ့အတွက် ပထမ တစ်နှစ်တာ (သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန) အပိုင်း-၁

ရာသီဥတုပြောင်းလဲမှု လျော့ပါးစေရေး၊ သဲကန္တာရဖြစ်ထွန်းမှု တိုက်ဖျက်ရေး၊ ဇီဝ မျိုးစုံမျိုးကွဲထိန်းသိမ်းရေး စသည့် သစ်တော ထိန်းသိမ်းလုပ်ငန်းများကို သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန က အလေးထားဆောင်ရွက်လျက်ရှိသည်။ ထိုသို့ သဘာဝပတ်ဝန်းကျင်ထိန်းသိမ်းရေး နှင့် သစ်တောသယံဇာတများပျက်စီး ဆုံးရှုံးမှု လျော့နည်းစေရေး
အဘက်ဘက်မှ ကြိုးပမ်း ဆောင်ရွက်လျက်ရှိသည့် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန မှ ပြည်ထောင်စုဝန်ကြီးနှင့် သက်ဆိုင်ရာကဏ္ဍ အလိုက် တာဝန်ယူဆောင်ရွက်လျက်ရှိသည့် ဌာနဆိုင်ရာအကြီးအကဲများအား တွေ့ဆုံ မေးမြန်းထားပါသည်။
ဦးအုန်းဝင်း ပြည်ထောင်စုဝန်ကြီး
သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန
မေး။ ။ တစ်နှစ်တာကာလအတွင်း ထင်ရှားတဲ့ပြုပြင်ပြောင်းလဲမှုများကို ပြောပြ ပေးစေချင်ပါတယ်ရှင့်။ ဖြေ။ ။ ကျွန်တော်တို့ ဝန်ကြီးဌာနမှာ ကဏ္ဍကြီးသုံးရပ်ရှိပါတယ်။ သစ်တော ထိန်း သိမ်းရေးကဏ္ဍ၊ ပတ်ဝန်းကျင်ထိန်းသိမ်းရေး ကဏ္ဍနဲ့ သတ္တုတူးဖော်ရောင်းချရေးဆိုပြီး တော့ ကဏ္ဍကြီးသုံးရပ်ရှိပါတယ်။ သစ်တောနဲ့ ပတ်သက်လို့ ထင်ရှားတဲ့ပြုပြင်ပြောင်းလဲမှုက တော့ တစ်နိုင်ငံလုံး ကျွန်းနဲ့သစ်မာထုတ်လုပ်မှု ကို ၂၀၁၆-၂၀၁၇ ဘဏ္ဍာနှစ်မှာ ရပ်နားထား ခဲ့ပါတယ်။ ဒါဟာလည်းပဲ သစ်တောတွေ ကာကွယ်ထိန်းသိမ်းနိုင်ဖို့အတွက် ဖြစ်ပါတယ်။
ခုတ်လှဲခွင့်အရေအတွက်လျှော့
ကျွန်းနဲ့ အင်မတန်အဖိုးတန်တဲ့ သစ်တွေ ပေါက်ရောက်တဲ့ ပဲခူးရိုးမကြီးကိုလည်း သစ် ထုတ်လုပ်မှု ၁၀ နှစ် ရပ်နားထားပါတယ်။ ၂၀၁၇-၂၀၁၈ ဘဏ္ဍာနှစ်ကစလို့ ပြည်တွင်း သစ်လိုအပ်ချက်ပေါ်မူတည်ပြီး ACC လို့ ခေါ်တဲ့ သတ်မှတ် နှစ်စဉ်ခုတ်လှဲခွင့် အရေ အတွက်ထက် လျှော့ခုတ်ဖို့ရည်ရွယ်ထားပါ တယ်။ အဲဒီလို လျှော့ခုတ်ခြင်းအားဖြင့် သစ်တောသစ်ပင်ကို ထိန်းသိမ်းရာလည်း ရောက်ပါတယ်။
မြန်မာ့သစ်လုပ်ငန်းဌာနက အရင်တုန်းက လက်ခွဲကန်ထရိုက်စနစ်နဲ့ သစ်ထုတ်ပါတယ်။ အခုအခါမှာတော့ ကုမ္ပဏီတွေကို ထုတ်လုပ် ခွင့်မပြုတော့ဘဲ မြန်မာ့သစ်လုပ်ငန်းကသာ တာဝန်ယူဆောင်ရွက်သွားမှာ ဖြစ်ပါတယ်။
ပြည်ပပို့ခွင့်ကို လုံးဝတားမြစ်
နောက်ထပ် ပြုပြင်ပြောင်းလဲမှုကတော့ သစ်တွေကို သစ်လုံး၊ သစ်ခွဲသားတွေကို ရောင်းချတဲ့နေရာမှာ ပြည်ပပို့ခွင့်ကို လုံးဝ တားမြစ်ထားပါတယ်။ သိမ်းဆည်းရမိတဲ့ သစ်တွေကိုလည်း ပြည်ပပို့ခြင်း လုံးဝပိတ်ပင် ထားပါတယ်။ ဒါဟာ ကိုယ့်ပြည်တွင်းမှာ ဖောဖောသီသီ သုံးစွဲနိုင်ဖို့ရည်ရွယ်ပြီး ဆောင် ရွက်ခြင်း ဖြစ်ပါတယ်။ မြန်မာ့သစ်လုပ်ငန်းမှာ ရောင်းဝယ်ရေးနဲ့ပတ်သက်ပြီး ဟိုအရင်တုန်း ကတော့ ပုံစံအမျိုးမျိုးရှိပါတယ်။
၂၀၁၆-၂၀၁၇ ခုနှစ်ကစပြီး ပုံစံတစ်မျိုး ပြောင်းထားတာကတော့ မြန်မာ့သစ်လုပ်ငန်း လည်း အကျိုးရှိဖို့၊ ရောင်းသူဝယ်သူတွေ လည်း ပွင့်လင်းမြင်သာမှုရှိဖို့ ပြည်တွင်း ပြည်ပ ဝယ်ယူသူများနဲ့ တကယ့်သုံးစွဲသူများလည်း ထိရောက်စွာအကျိုးရှိဖို့အတွက် လွတ်လွတ် လပ်လပ် ဝယ်ယူနိုင်ဖို့အတွက် သစ်များကို အိတ်ဖွင့်တင်ဒါစနစ်နဲ့ ရောင်းချခြင်းကို ပြုလုပ်ခဲ့ပါတယ်။ ထိုနည်းတူ သစ်တွေကို ခုတ်တဲ့နေရာမှာ ချိန်းဆောလို့ခေါ်တဲ့ လက်ကိုင်စက်လွှတွေ အင်မတန်ကိုပေါများ နေပါတယ်။ ဒါကြောင့်မို့ အခုအခါမှာ လက်ကိုင်လွှစက်များကို ဖြန့်ဖြူးခြင်း၊ ရောင်း ချခြင်း၊ တင်သွင်းခြင်းကို စီးပွားရေးနဲ့ ကူးသန်း ရောင်းဝယ်ရေးဝန်ကြီးဌာနနဲ့ ညှိနှိုင်းပြီး ကန့်သတ်ဆောင်ရွက်လျက်ရှိပါတယ်။
မေး။ ။ မြန်မာနိုင်ငံမှာ သစ်တော ပြုန်းတီးမှုဟာ ဘယ်လောက်အတိုင်းအတာ ရှိနေပါသလဲ။ သစ်တောပြုန်းတီးမှုလျော့ပါး စေရေးအတွက် ဆောင်ရွက်ထားရှိမှုများ ကိုလည်း သိချင်ပါတယ်။
ဖြေ။ ။ ၂၀၁၅ ခုနှစ် ဒီဇင်ဘာလမှာ တိုင်းတာချက်အရ မြန်မာတစ်ပြည်လုံးရဲ့ သစ်တောဧရိယာဖုံးလွှမ်းမှုဟာ ၄၂ ဒသမ ၉၂ ရာခိုင်နှုန်းပဲရှိတယ်လို့ သိရပါတယ်။ ဒါကြောင့်မို့ အကြောင်းအားလျော်စွာ ကုန်ခန်း သွားတဲ့ နေရာတွေ၊ ကွက်လပ်တွေကို ပြန် လည်ပြီး စိုက်ပျိုးဖို့ ၂၀၁၇-၂၀၁၈ ခုနှစ်ကနေ ၂၀၂၆-၂၀၂၇ ခုနှစ်ထိ ၁၀ နှစ်စီမံကိန်းချပြီး တော့ ဆောင်ရွက်ထားပါတယ်။ ဒါဟာလည်း သစ်တောကဏ္ဍအတွက် အင်မတန်ထင်ရှားတဲ့ ပြောင်းလဲမှုကြီးဖြစ်ပါတယ်။
မေး။ ။ ရေရှည်ဖွံ့ဖြိုးတိုးတက်မှုရရှိ စေဖို့အတွက် အကောင်အထည်ဖော်ဆောင် ရွက်မှုကိုလည်း ပြောပြပေးပါ။
ဖြေ။ ။ ရေရှည်ဖွံ့ဖြိုးတိုးတက်မှုနဲ့ ပတ် သက်ပြီး ကျွန်တော်တို့ဝန်ကြီးဌာနအောက် မှာ ပတ်ဝန်းကျင်ထိန်းသိမ်းရေးဦးစီးဌာန ရှိပါတယ်။ အဲဒီဌာနက ပတ်ဝန်းကျင်ထိန်းသိမ်း မှုနဲ့ ပတ်သက်ပြီး အဓိကဆောင်ရွက်နေတဲ့ ဌာနကြီးတစ်ခုဖြစ်ပါတယ်။ ရေရှည်စဉ်ဆက် မပြတ် ဖွံ့ဖြိုးတိုးတက်ဖို့ဆိုရင် အဓိကမဏ္ဍိုင် ကြီး သုံးရပ်ရှိပါတယ်။ လူမှုရေးမဏ္ဍိုင်၊ စီးပွား ရေးမဏ္ဍိုင်နဲ့ ပတ်ဝန်းကျင်ထိန်းသိမ်းရေး မဏ္ဍိုင်ဆိုပြီးရှိပါတယ်။ ဒီမဏ္ဍိုင်ကြီး သုံးရပ် ထဲမှာ အဓိကကျတဲ့ ပတ်ဝန်းကျင်ထိန်းသိမ်းရေး မဏ္ဍိုင်ဟာ အင်မတန်အရေးကြီးပါတယ်။
အမျိုးသားပတ်ဝန်းကျင် ထိန်းသိမ်းရေးမူဝါဒ
ကျွန်တော်တို့မြန်မာနိုင်ငံမှာ စက်မှု လုပ်ငန်းတွေ ထွန်းကားလာတယ်။ မြို့ပြတွေ ချဲ့ထွင်လာတယ်၊ စီးပွားရေးလုပ်ငန်းတွေ ချဲ့ထွင်လာပြီး လူဦးရေလည်း တိုးပွားလာပါ တယ်။ ပတ်ဝန်းကျင်ယိုယွင်းပျက်စီးမှုလည်း များပြားလာပါတယ်။ ဒါကြောင့် ပတ်ဝန်းကျင် ထိန်းသိမ်းဖို့ အလွန်အရေးကြီးပါတယ်။ ပတ် ဝန်းကျင် ပျက်စီးယိုယွင်းမှု များပြားလာတာ တွေကို ၁၉၉၄ ခုနှစ်မှာ အမျိုးသားပတ်ဝန်း ကျင်ထိန်းသိမ်းရေးမူဝါဒဆိုပြီး ရေးဆွဲပါ တယ်။
ဒီမူဝါဒဟာ အခုရှိတဲ့ စီးပွားရေး၊ လူမှု ရေး၊ နိုင်ငံရေးနဲ့ လိုက်လျောညီထွေဖြစ် အောင် ပြန်လည်ပြင်ဆင်ပြီး အမျိုးသား ပတ်ဝန်းကျင်ထိန်းသိမ်းရေးမူဝါဒကို အချော သတ် ရေးဆွဲလျက်ရှိပါတယ်။ ဒီလိုရေးဆွဲ ရခြင်းရဲ့ အဓိကရည်ရွယ်ချက်ကတော့ မြန်မာ နိုင်ငံအတွင်း မှီတင်းနေထိုင်ကြတဲ့ ပြည်သူ အားလုံးဟာ လူမှုစီးပွားဘ၀ ဖွံ့ဖြိုးတိုးတက် ရေးနဲ့ ကျန်းမာပျော်ရွှင်ဖို့အတွက် သန့်ရှင်းတဲ့ ပတ်ဝန်းကျင်နဲ့ ခိုင်မြဲတဲ့ဂေဟစနစ်ကို ပိုင်ဆိုင် ဖို့ ဖြစ်ပါတယ်။ ဒါမှသာ လူသားအပါအဝင် အားလုံးသောသတ္တဝါများဟာ အရှည်တည်တံ့ ဖွံ့ဖြိုးရပ်တည်နိုင်မှာဖြစ်ပါတယ်။
မြန်မာနိုင်ငံအပါအဝင် ကမ္ဘာမှာ ကမ္ဘာ့ ရာသီဥတု ဖောက်ပြန်ပြောင်းလဲမှုတွေ ဖြစ်နေ ပါတယ်။ အဲဒီဖောက်ပြန်ပြောင်းလဲမှုက လူတွေ အတွက် စိန်ခေါ်မှုတစ်ရပ်ဖြစ်ပါတယ်။ မြန်မာ နိုင်ငံ စဉ်ဆက်မပြတ်ဖွံ့ဖြိုးတိုးတက်ဖို့၊ ရာသီ ဥတုဒဏ်လည်း လျော့ပေါ့နိုင်ဖို့ အမျိုးသား အဆင့် ရာသီဥတုပြောင်းလဲမှုဆိုင်ရာ မဟာ ဗျူဟာလုပ်ငန်းစဉ်တွေကို အပြီးသတ်မူကြမ်း ရေးဆွဲခဲ့ပြီးပါပြီ။ သို့သော်လည်း အဲဒီကဆက် ပြီး လမ်းညွှန်မူဝါဒအဖြစ် မြန်မာ့ရာသီဥတု ပြောင်းလဲမှုဆိုင်ရာမူဝါဒကိုလည်း ဆက်လက် ရေးဆွဲလျက်ရှိပါတယ်။
ရာသီဥတုပြောင်းလဲမှုဒဏ်
ပတ်ဝန်းကျင်ထိခိုက်မှု အနည်းဆုံးဖြစ် မယ့် စီးပွားရေးလုပ်ငန်းတွေ၊ နောက်တစ်ခါ ပတ်ဝန်းကျင် ညစ်ညမ်းမှုကိုမဖြစ်စေဘဲ ရာသီ ဥတုပြောင်းလဲမှုဒဏ်ကိုခံနိုင်တဲ့ စီးပွားရေး လုပ်ငန်းတွေလုပ်ဖို့အတွက် အမျိုးသားအဆင့် အစိမ်းရောင် စီးပွားရေးဖွံ့ဖြိုးရေးဆိုင်ရာ မဟာဗျူဟာမူဘောင် ရေးဆွဲနေပါတယ်။ မဟာဗျူဟာအပြီးသတ်ရေးဆွဲနိုင်ဖို့အတွက် လည်း ပြည်တွင်းပြည်ပပညာရှင်တွေ ပူးပေါင်း ပြီးတော့ ရေးဆွဲလျက်ရှိပါတယ်။ ဒါဟာ အင်မတန်အရေးကြီးတဲ့လုပ်ငန်းကြီးတစ်ရပ် ဖြစ်ပါတယ်။
ပတ်ဝန်းကျင်ဆိုင်ရာမူဝါဒ၊ ရာသီဥတု ပြောင်းလဲမှုဆိုင်ရာမူဝါဒနဲ့ မဟာဗျူဟာမူဘောင် တွေကို ထိရောက်စွာအကောင်အထည်ဖော် ဆောင်ရွက်ဖို့ ဗဟိုအဆင့်အဖွဲ့အစည်းရှိပါတယ်။
ဒါက ဒုတိယသမ္မတ (၁) နာယကအဖြစ် ဦးဆောင်ပြီးတော့ ဗဟိုကော်မတီနဲ့ သက်ဆိုင် ရာ ကဏ္ဍအသီးသီးမှာလည်း အမြဲတမ်း အတွင်းဝန် ခြောက်ဦးကို မိမိတို့ရဲ့ကဏ္ဍ အလျောက် ဦးဆောင်တဲ့လုပ်ငန်းကော်မတီ ဖွဲ့စည်းထားပါတယ်။ ဒါ့အပြင် တိုင်းဒေသကြီး၊ ပြည်နယ်၊ ခရိုင်၊ မြို့နယ်အဆင့်အထိ ကြီးကြပ်မှုကော်မတီနဲ့ လုပ်ငန်းအဖွဲ့အစည်း များကို တိုးမြှင့်ဖွဲ့စည်းဆောင်ရွက်လျက်ရှိပါ တယ်။ ဒီလို ဆောင်ရွက်ခြင်းအားဖြင့် ပတ်ဝန်းကျင်ထိန်းသိမ်းရေးကို အောက်ခြေ အထိ ထိရောက်အောင်ရည်ရွယ်ဆောင်ရွက် ခြင်း ဖြစ်ပါတယ်။
ရေရှည် စဉ်ဆက်မပြတ်ဖွံ့ဖြိုးတိုးတက် ရေးလုပ်ငန်းဆိုတဲ့နေရာမှာ ကဏ္ဍအားလုံး ဟာ ဆက်စပ်ပြီးပါဝင်နေပါတယ်။ ဒါကြောင့်မို့ ဆက်စပ်နေတဲ့ ဝန်ကြီးဌာနတွေရှိပါတယ်။ ဝန်ကြီးဌာနတွေ၊ ပုဂ္ဂလိကတွေ၊ CSO တွေ၊ ပညာရှင်တွေ ပါဝင်ပတ်သက်သူတွေရှိပါ တယ်။ ဒါတွေအားလုံး စုစုရုံးရုံးနဲ့ ပွင့်လင်း မြင်သာမှုရှိစွာဆောင်ရွက်မှသာလျှင် ဒီလုပ်ငန်း ကြီး အောင်မြင်မှာဖြစ်ပါတယ်။
မေး။ ။ မြန်မာ့သတ္တုတွင်းဥပဒေကို ပြင်ဆင်တဲ့ဥပဒေကို ၂၀၁၅ ခုနှစ် ဒီဇင်ဘာ ၂၄ ရက်မှာ အတည်ပြုပြဋ္ဌာန်းပြီးပြီလို့ သိရပါ တယ်။ မြန်မာ့သတ္တုတွင်း နည်းဥပဒေ ဆက်လက်အတည်ပြုထုတ်ပြန်နိုင်ရေး ဆောင် ရွက်ထားရှိမှုအခြေအနေကို သိချင်ပါတယ်။
အဖိုးတန်သတ္တုများ
ဖြေ။ ။ သတ္တုကဏ္ဍဟာ မြန်မာပြည်မှာ အလွန်အရေးကြီးတဲ့ ကဏ္ဍဖြစ်ပါတယ်။ ကမ္ဘာ မှာ အင်မတန်ရှားပါးပြီးတော့ မရှိတဲ့ အဖိုးတန် သတ္တုများ ကျွန်တော်တို့ တိုင်းပြည်မှာ အများ ကြီး တွေ့ရှိရပါတယ်။ ဒီသတ္တုတွေတူးဖော်တဲ့ နေရာမှာ စည်းကမ်းတကျရှိစေဖို့အတွက် ဥပဒေတွေ ရှေးကတည်းက ရေးဆွဲထားပါ တယ်။ အခု ခေတ်စနစ်နဲ့အညီ ဥပဒေတွေ ကို ပြန်လည်ရေးဆွဲတာရှိပါတယ်။ အဲဒီလို ပြန်လည်ပြင်ဆင်ရေးဆွဲတဲ့ ဥပဒေကို၂၀၁၅ ခုနှစ် ဒီဇင်ဘာ ၂၄ ရက်မှာ နိုင်ငံတော် သမ္မတက လက်မှတ်ရေးထိုးထုတ်ပြန်ခဲ့ပါ တယ်။
ဒီဥပဒေကို အကောင်အထည်ဖော်ဖို့ အတွက် နည်းဥပဒေကို ကျွမ်းကျင်တဲ့ ဥပဒေပညာရှင်များနဲ့တိုင်ပင်ပြီး ရေးဆွဲခဲ့ပါ တယ်။ ဒီနည်းဥပဒေကို ၂၀၁၇ ခုနှစ် ဇန်နဝါရီ ၁၁ ရက်မှာ ပြည်ထောင်စုရှေ့နေချုပ်ရုံးကို ပေးပို့ထားပါတယ်။ ရှေ့နေချုပ်ရုံးက စိစစ် ပြီးရင် နိုင်ငံတော်အစိုးရအဖွဲ့ရုံးကို တင်ပြပြီး တော့ လက်တွေ့အကောင်အထည်ဖော် ဆောင်ရွက်သွားမှာဖြစ်ပါတယ်။
မကြာခင် ကုန်ခန်း
မေး။ ။ မြန်မာနိုင်ငံ သတ္တုသယံဇာတ ကဏ္ဍ တိုးတက်မြင့်မားရေးအတွက် သတ္တု တူးဖော်ရေးလုပ်ငန်းများ ပွင့်လင်းမြင်သာမှု (EITI)ဆိုင်ရာ ဆောင်ရွက်ထားရှိမှု အခြေ အနေများကို ရှင်းပြပေးစေလိုပါတယ်။
ဖြေ။ ။ တွင်းထွက်သယံဇာတတွေကို ထုတ်ယူသုံးစွဲတဲ့နေရာမှာ ပွင့်လင်းမြင်သာမှု ရှိဖို့ အလွန်အရေးကြီးပါတယ်။ ဒီနေရာမှာ ပွင့်လင်းမြင်သာမှုမရှိရင်လည်း တွင်းထွက် သယံဇာတများဟာ မကြာမီကုန်ခန်းသွားမှာ ဖြစ်ပါတယ်။ ဒါနဲ့ပတ်သက်လို့ EITI ကဏ္ဍ ကို ၂၀၁၂ ခုနှစ်ကစတင်ပြီးတော့ ဆောင်ရွက် ခဲ့ရာ ၂၀၁၄ ခုနှစ်မှာ မြန်မာနိုင်ငံဟာ အဖွဲ့ဝင် လောင်းနိုင်ငံ (CandidateCountry) ဖြစ်ခဲ့ ပါတယ်။ အဲဒီလိုဖြစ်လာတဲ့အခါမှာ ပထမဦး ဆုံး အစီရင်ခံစာကို ၂၀၁၅ ခုနှစ် ဒီဇင်ဘာ လမှာ နိုင်ငံတကာ EITI Board ကို တင်ပြ နိုင်ခဲ့ပါတယ်။
အဲဒီမှာတင်ပြပြီးတော့ ၂၀၁၇ ခုနှစ် ဖေဖော်ဝါရီ ၂၈ ရက်မှာ အစိုးရအဖွဲ့ရယ်၊ ပုဂ္ဂလိကရယ်၊ အရပ်ဘက်အဖွဲ့အစည်းတွေ ရယ် သုံးပွင့်ဆိုင်ညွန့်ပေါင်းအဖွဲ့ ဖွဲ့စည်းနိုင်ခဲ့ ပါတယ်။ ထိုနည်းတူ EITI လုပ်ငန်းတွေကို ပိုမိုလျင်မြန်ဖို့အတွက် လုပ်ငန်းဖော်ဆောင်မှု ကော်မတီအဖွဲ့ကို ၂၀၁၆ ခုနှစ် အောက်တိုဘာ ၂၈ ရက်မှာ ဖွဲ့စည်းခဲ့ပါတယ်။ EITI ရဲ့ ဒုတိယအကြိမ်အစီရင်ခံစာကို ၂၀၁၈ ခုနှစ် မတ်လမှာ နိုင်ငံတကာ EITI Board ကို တင်ပြနိုင်ဖို့ ဆောင်ရွက်လျက်ရှိပါတယ်။
သုံးပြီးရင်ကုန်
မေး။ ။ သစ်တောကဏ္ဍနဲ့ သတ္တုကဏ္ဍ ရဲ့ အဓိကခြားနားမှုနဲ့ ဓာတ်သတ္တုနှင့် ကျောက် မျက်ရတနာတွေကို ရေရှည်အကျိုးခံစားခွင့် ရရှိစေဖို့အတွက် စီမံဆောင်ရွက်ထားမှုများကို ပြောပြပေးပါဦးရှင့်။
ဖြေ။။ သစ်တောကဏ္ဍနဲ့ သတ္တုကဏ္ဍရဲ့ အဓိကခြားနားမှုကိုတင်ပြရရင် သစ်တော သစ်ပင်ဆိုတာ ပြန်လည်သုံးစွဲလို့ရပါတယ်။ Renewable Resources လို့ခေါ်ပါတယ်။ သတ္တု ကျတော့ Non Renewable Resources ဖြစ် နေပါတယ်။ ပြန်လည်ဖွံ့ဖြိုးမှုမရှိပါဘူး။ သုံးပြီး ရင် ကုန်ပါတယ်။ ဒါကြောင့်မို့ သတ္တုကို ရေရှည် သုံးနိုင်ဖို့အတွက် ပစ္စုပ္ပန်ရော အနာဂတ်မှာ ရောက်ရှိလာမယ့် မျိုးဆက်သစ်များအတွက် အရန် သတ္တုသိုက်တွေ ချန်ထားဖို့အတွက် စီစဉ်ပြီးဖြစ်ပါတယ်။
စစ်ကိုင်းတိုင်းဒေသကြီး၊ မကွေးတိုင်း ဒေသကြီးနဲ့ မန္တလေးတိုင်းဒေသကြီးတို့မှာ ကျောက်မီးသွေးနဲ့ပတ်သက်ပြီး ဧကပေါင်း ၁၁၆၀၀၀၀ ကျော် ချန်ထားပါတယ်။ ထို့အတူ ဂရက်ဖိုက်ကိုလည်း မန္တလေးတိုင်းဒေသကြီးမှာ ဧကပေါင်း ၁၁၀၀၀ ကျော် ချန်ထားပါတယ်။ သံသတ္တုသိုက်ကိုလည်း ကချင်ပြည်နယ် ဖားကန့်မြို့နယ် ကသိုဏ်းဘုရားတောင်ဒေသ မှာ ဧကပေါင်း ၁၁၈၇၀၀၀ ကျော် အရန်သတ္တု သိုက်တွေအဖြစ် ချန်ထားခဲ့မှာဖြစ်ပါတယ်။
သတ္တုတွေတူးဖော်တဲ့နေရာမှာ ၂၀၁၆- ၂၀၁၇ အစိုးရသစ်လက်ထက်ကစပြီးတော့ EMP လို့ခေါ်တဲ့ Enviromental Management Plan ကို ရေးဆွဲထားပါတယ်။ ရေးဆွဲပြီး အတည်ပြုပြီးကာမှ ဆက်လက် သတ္တုတူးဖော် ခွင့်ပေးတာဖြစ်ပါတယ်။ အဲဒီလိုမဟုတ်ရင် တူးဖော်ခွင့်ကို ရပ်ထားပါတယ်။ တူးဖော်တာ ကိုလည်း အကန့်အသတ်နဲ့ ခိုင်းနေပါတယ်။ ၂၀၁၆ ခုနှစ် မတ် ၁ ရက်ကစပြီး အကန့် အသတ်နဲ့ တူးဖော်ဖို့ဆုံးဖြတ်ပြီးတော့ ၂၀၁၆ ခုနှစ် ဧပြီ ၁ ရက်ကစပြီးတော့ လုံးဝနောက်ထပ် သတ္တုကွက်အသစ်ပေးခြင်းမလုပ်ဖို့ တားမြစ် ထားပါတယ်။ ဒါဟာလည်း အနာဂတ်မှာရှိ မယ့် ပြည်သူပြည်သားများအတွက် ဖြစ်ပါ တယ်။
မေး။ ။ ပတ်ဝန်းကျင်ထိန်းသိမ်းရေးနဲ့ ရာသီဥတုပြောင်းလဲမှု လျော့ပါးသက်သာစေ ရေးအတွက် ရှေ့ဆက်ဆောင်ရွက်မယ့် အစီ အစဉ်များ ရှိပါသလားရှင့်။
ဖြေ။ ။ သစ်တောကဏ္ဍနဲ့ပတ်သက်လို့ ၂၀၁၅ ခုနှစ်မှာ FAO က သစ်တော သယံဇာတတွေ သုံးသပ်အကဲဖြတ်တဲ့ အစီရင် ခံစာ ထွက်လာပါတယ်။ မြန်မာနိုင်ငံဟာ ကမ္ဘာမှာ သစ်တောသယံဇာတ တတိယ အပျက်စီးဆုံးနိုင်ငံလို့ သုံးသပ်ထားတာ တွေ့ရ ပါတယ်။ ဒါကြောင့် သစ်တောတွေကို ပြန်လည် ထူထောင်ဖို့အတွက် သစ်တောစိုက်ခင်းများ စိုက်ပျိုးဖို့ ဆောင်ရွက်နေပါတယ်။ ဒီအတိုင်း ကျန်ရှိတဲ့ သဘာဝသစ်တောများ အကြောင်း အမျိုးမျိုးကြောင့်ပျက်စီးတာကိုလည်း ထိန်း သိမ်းဖို့ ဘတ်ဂျက်တွေချပြီး ဆောင်ရွက်သွား မှာ ဖြစ်ပါတယ်။
နိုင်ငံခြားမှတင်သွင်း
နောက်တစ်ခုက သစ်တောတွေကို သစ် ခုတ်မှု ယာယီတစ်နှစ်ပိတ်ခြင်းအားဖြင့် သစ် ကုန်ကြမ်းအခက်အခဲတွေရှိနိုင်မယ်လို့ ဝေဖန် ကြပါတယ်။ အဲဒီလိုမဖြစ်နိုင်အောင် စီစဉ် ဆောင်ရွက်လျက်ရှိပါတယ်။ လိုအပ်တဲ့ သစ် ကုန်ကြမ်းတွေကို နိုင်ငံခြားကနေ သွင်းနိုင်ပါ တယ်။ အဲဒီလိုသွင်းနိုင်အောင်လည်း အကောက် အခွန်ဌာနနဲ့ ကုန်သွယ်ခွန်များကိုလည်း ညှိနှိုင်းဆောင်ရွက်ပြီးတော့ အခွန်တွေကို ဆက်လက်လျှော့ချပေးရေးအတွက် ညှိနှိုင်း ဆောင်ရွက်ပေးသွားမှာ ဖြစ်ပါတယ်။
သစ်တောသယံဇာတပေါများတဲ့အတွက် အရင်ကတည်းက သစ်လုံးတွေရောင်းချခဲ့ပါ တယ်။ သစ်လုံးရောင်းချတာတွေက ၂၀၁၄ ခုနှစ် ဧပြီ ၁ ရက်ကတည်းက ပိတ်ထားပါတယ်။ သို့သော်လည်း အစိုးရသစ်လက်ထက်မှာ သစ်လုံးတင်မဟုတ်ဘဲ ခွဲသားများကို တင်ပို့ တဲ့နေရာမှာ အကန့်အသတ်နဲ့တင်ပို့ဖို့ ဆောင် ရွက်သွားရမှာ ဖြစ်ပါတယ်။ ဒါမှသာလျှင် တန်ဖိုးမြင့်အချောထည်များကို များများထုတ် လုပ်နိုင်ပြီးတော့ ရောင်းချသူများအတွက် ပိုမို စီးပွားဖြစ်ပြီး နိုင်ငံအတွက်လည်း ပိုမိုအကျိုး ရှိစေမှာ ဖြစ်ပါတယ်။
သစ်တောထိန်းသိမ်းရေးနဲ့ပတ်သက်ပြီး အင်မတန်အရေးကြီးတဲ့အတွက်ကြောင့် ၁၀ နှစ် စီမံကိန်းကို ၂၀၁၇-၂၀၁၈ ဘဏ္ဍာနှစ် ကနေ ဆက်လက်အကောင်အထည်ဖော် ဆောင်ရွက်သွားမှာဖြစ်ပါတယ်။ သစ်တော ထိန်းသိမ်းရေး၊ ပတ်ဝန်းကျင်ထိန်းသိမ်းရေး နဲ့ ရာသီဥတုပြောင်းလဲမှုဆိုင်ရာ ကိစ္စရပ် တွေမှာ ကျွန်တော်တို့ဌာနတစ်ခုတည်း ဆောင် ရွက်လို့ မရပါဘူး။ ကဏ္ဍအားလုံးနဲ့ ဆက်စပ် နေတဲ့ ဝန်ကြီးဌာနတွေ၊ ပုဂ္ဂလိကအဖွဲ့အစည်း တွေ၊ လူမှုအဖွဲ့အစည်းတွေ၊ ပြည်သူပြည်သား တွေ၊ ပညာရှင်တွေ အကုန်လုံးပူးပေါင်းပြီး ဆောင်ရွက်မှသာလျှင် အောင်မြင်မှာဖြစ်ပါ တယ်။ ကျောက်မျက်နဲ့ သတ္တုကဏ္ဍမှာ သားစဉ်မြေးဆက် ရေရှည်သုံးစွဲနိုင်ရေးအတွက် လည်း အကန့်အသတ်နဲ့ တူးဖော်ထုတ်လုပ်နိုင် ရေးကို ဦးတည်ဆောင်ရွက်သွားမှာ ဖြစ်ပါ တယ်။





No comments:

Post a Comment